EFESUS 5:4 - KITTA' MATANGKASA'

⁴ Tena todong nasiratang nucarita nikanaya carita-carita gau' bawang, yareka bicara ra'masaka, yareka a'bicara bonga-bonga tenaya nasiratang. Mingka paralluko appala' sukkuru' mae ri Allata'ala.

EFESUS 5:4 Referans Kwoze

KOLOSE 3:8

Mingka kamma-kamma anne parallui nupela' battu ri kalennu sikamma sipa'-sipa' ja'dalaka. Tea' mako larroi yareka a'jalloki pole yareka teako birisi' pa'maiki mae ri parannu tau. Tea sikaliko pasuluki ri bawanu kana-kana pali'boa, yareka bicara ra'masaka.

EFESUS 4:29

Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.

1 TESALONIKA 5:18

Lalang yangasenna katallassannu paralluko tuli appala' sukkuru'; nasaba' iaminjo Nakaerokanga Allata'ala mae ri kau salaku tau ampakase'reai katallassanna siagang Isa Almasi.

PANGNGEBARANG 15:2

Kana-kana cara'deka ampa'jari pangngassenganga angngalle pa'mai'; kana-kana tau dongoka, poro kadongokang bawang bonena.

KATO'BA 10:13

Appakkaramulai a'bicara kosong biasa, mingka kale'bakkanna a'bicara kammami tau pongoro'.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.

FILIPI 4:6

Teako bata-batai ri passabakkang apa-apa mamo. Appala' doangko siagang pabattui pappala'nu mae ri Allata'ala, ilalang sikontu kaparalluannu. Teako lanre ampaui kaparalluannu mae ri Allata'ala; siagang paralluko appala' sukkuru'.

YUDAS 1:10

Mingka napakka'-pakkanaimi siagang nahinami ke'nanga sikontu anjo apa-apa tanapahanga ke'nanga. Sanrapangi ke'nanga olo'-olo' tenaya pikkiranna, iamintu pakkasia'naji bawang napake untu' angngassengi apa-apaya. Mingka passabakkang iatommi anjo apa-apa kammaya naancuru' ke'nanga.

2 KORINTUS 9:15

Paralluki' appala' sukkuru' mae ri Allata'ala, lanri teai sipato' lompona anjo passareNa!

MARKUS 7:22

a'gau' salimara', annipu, appitina, siagang anggaukangi sikamma apa-apa ja'dalaka, ampa'jari taua angngoa, tenangngasseng atorang, assereati, tampo, kammayatompa susai niajara'.

PAMMUJI 92:1

Kelong untu' allo Pammari-mariang.

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

2 KORINTUS 1:11

Tappaki ikambe angkanaya lanri pappala' doangannu ngaseng, tena tanipasalama'na pole ikambe ri Allata'ala battu ri bahayaya. Najaimo tau appala' sukkuru' ri Allata'ala, iamintu sikontu tau le'baka appala' doang, nasaba' nitarimana pappala' doanna, iamintu lanri nibarakkakinamo ikambe ri Allata'ala.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

PANGNGEBARANG 12:23

Tau cara'deka tena napappicini'-cinikangi pangngassenganna; tau dongoka napa'lammorangi kadongokanna.

2 PETRUS 2:7

Mingka Lot nipasalamaki, lanri naturukinna ero'Na Allata'ala; sanna' sikali sessana nakasia' lanri panggaukang takamma-kammana tau tenaya najampangi hukkunga.

PAMMUJI 33:1

He, sikamma tu bajika, akkio' rannu mako lanri apa le'baka Nagaukang Batara; siratangi mammuji-muji tu lambusu' pa'maika.

FILEMON 1:8

Lanri kammana, salaku sari'battang julu tappa'nu, akkulleko kusuro anggaukangi apa parallua nugaukang.

1 TESALONIKA 3:9

Teai sipato' lompona kasukkuranna ikambe mae ri Allata'ala lanri sikontu karannuang nagappaya ikambe ri dallekanNa Allata'ala passabakkang ikau ngaseng.

EFESUS 1:16

tenamo tappu'-tappukku appala' sukkuru' mae ri Allata'ala lanri ikau ngaseng. Tuli kupauna arennu ri wattungku appala' doang.

YOHANES 6:23

Nampa nia'mo siapa are biseang battu ri kota Tiberias mange anjoreng ri ampi'na tampa' le'baka napangnganrei roti tau jaia ri wattunna nisare ri Isa.

DANIEL 6:10

Jari natekemmi Karaeng Darius anjo sura' parentaya.