EFESUS 5:25 - KITTA' MATANGKASA'

²⁵ Ikau tubura'-bura'nea, karimangngi bainennu, sangkamma Almasi Nakarimangngi jama'aka. Siagang Nakoro'bangkangi KalenNa untu' anjo jama'aka.

EFESUS 5:25 Referans Kwoze

1 PETRUS 3:7

Ikau pole, sikamma bura'-bura'nea, parallui baji' pammahannu mae ri bainennu; parallui nuasseng angkanaya anjo tubai'-bainea tau lammai. Bajiki panggaukannu mae ri ia, nasaba' lasiagang ngasengko ke'nanga lantarimai passare lammoro'Na Allata'ala iamintu katallassang sitojennaya. Gaukangi anne kammaya, sollanna tena anrompai pappala' doangannu.

KOLOSE 3:19

Ikau ngaseng a'jari tubura'-bura'nea! Kamaseangi bainennu. Teako kasarri mae ri ia.

EFESUS 5:28

Kammatommi anjo tubura'-bura'nea, musti nakarimangngi bainenna, napasanrapang batangkalenna. Inai-nai angkarimangngi bainenna, sangkammami angkana batangkalenna nakarimangngi. (

PA'JARIANG 2:24

Iaminjo saba'na nanabokoi bura'nea anrong manggena, nampa a'jari se're siagang bainenna, na'jari se'remo anjo ruaya tau.

EFESUS 5:33

Mingka anjo ayaka nia' todong passisambunganna siagang kalennu: Sikontu tu bura'nea parallui nakarimangngi tubainenna, sanrapang anjo bainenna batangkalenna tonji; kammayatompa sikontu bainea musti napakalompoi tu bura'nenna.

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

GALATIA 1:4

Napassareammi KalenNa Almasi a'jari koro'bang untu' dosa-dosata, lanri Naturukinna ero'Na Allata'ala Manggeta. Sollanta akkulle nipasalama' battu ri anne jammang kaja'dallanga.

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.

PA'JARIANG 24:67

Le'baki anjo naerammi Ishak anjo Ribka antama' ri kemana tumate Sara amma'na, nampa nanikkai Ribka. Sanna' nangaina Ishak anjo Ribka; sa'genna kasaleorammi pa'mai'na si'naya lanri tenanamo amma'na.

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

YOHANES 6:51

INakkemi roti manurunga battu ri suruga iamintu roti assarea katallassang. Tau angkanreai anne rotia lattallasaki satunggu-tungguna. Roti laKupassareanga iamintu KalengKu, untu' katallassanna rupataua ri lino.”

2 SAMUEL 12:3

nampa anjo kasi-asia poro sikayuji bawang ana' gimbala'na naballia. Anjo ana' gimbalaka naparakai sa'genna a'jari lompo lalang balla'na siagang ngaseng ana'-ana'na. Anjo ana' gimbalaka nasarei kanre battu ri kanrena anjo taua, ba'lalo je'ne' inung battu ri cangkiri'na, siagang attinroi lalang ri riwaanna; bodona kana, napareki sangkamma ana' baine kalenna.

1 TIMOTIUS 2:6

Le'ba'mi Napassareang KalenNa lalang a'rupa tauNa sollanna akkulle Nalappassang sikontu rupataua battu ri dosa-dosana. Kammami anjo nanapa'nyatamo ri wattunnaya, angkanaya Nakellai Allata'ala sollanna nipasalama' ngaseng sikontu rupataua.

EFESUS 5:24

Sangkamma anjo jama'aka tunduki mae ri Almasi, kammatommi anjo tu bai'-bainea musti tundu' tongi mae ri tubura'-bura'nena, lalang ri passala' apa-apa mamo.

KELONG MALA'BIRI' 1:11

Nipapparekangko belo-belo bulaeng, ammakea mani'-mani' pera'.