EFESUS 5:24 - KITTA' MATANGKASA'

²⁴ Sangkamma anjo jama'aka tunduki mae ri Almasi, kammatommi anjo tu bai'-bainea musti tundu' tongi mae ri tubura'-bura'nena, lalang ri passala' apa-apa mamo.

EFESUS 5:24 Referans Kwoze

EFESUS 5:33

Mingka anjo ayaka nia' todong passisambunganna siagang kalennu: Sikontu tu bura'nea parallui nakarimangngi tubainenna, sanrapang anjo bainenna batangkalenna tonji; kammayatompa sikontu bainea musti napakalompoi tu bura'nenna.

TITUS 2:7

Siagang paralluko ikau kalennu, lalang ri apa-apa mamo, ampappicinikangi conto bajika lalang ri panggaukannu. Punna angngajarakko, musti lambusukko siagang attojeng-tojengko.

KOLOSE 3:20

Ikau ana'-anaka! Nikellaiko musti tuli mannuruki salaku tu Karisteng mae ri anrong-manggenu, nasaba' kammayami anjo Nakarannuang pa'mai'Na Allata'ala.

TITUS 2:9

Sikamma ataya musti mappilangngeri mae ri pinggawana, siagang tuli napakasannangi atinna pinggawana lanri panggaukanna. Takkulleai ke'nanga pabali-bali,

KOLOSE 3:22

Ikau ngaseng a'jari palayanga! Lalang ri apa-apa mamo, paralluko amminawang turu' mae ri pinggawanu ri anne linoa. Teako naiaja bawang numminawang turu' punna niaki anjagaiko, lanri ero'nu nipalece. Turuki ke'nanga situlusu' pa'mai'nu, lanri nupakala'biri'na Batara.

KALAPPASSANG 29:35

Anjo upacara palantikanna Harun siagang ana'-ana'na musti tuju alloi nigaukang, kamma le'baka Kuparentakang mae ri kau.

KALAPPASSANG 23:13

Parhatikangi sikontu apa le'baka Kupau mae ri kau. Teako appakalompoi rewata-rewata maraeng, ba'lalo manna nutappua arenna tena todong nakkulle.”

LUKAS 10:17

Ammotere'mi anjo tuju puloa ana'-ana' gurunNa Isa, le'baka Nasuro a'lampa. Rannu ngasemmi ke'nanga wattunna ammotere'. Nakana ke'nanga, “O Batara, amminawang turu' ngasengi setanga punna nibongkai ri kambe assala' arenTa nipau!”

EFESUS 5:23

Nasaba' anjo bura'nea iami kapala mae ri bainenna, sangkamma Almasi a'jari kapala mae ri jama'aka; kammayatompa Ia tommi a'jari Karaeng Mappasalama' mae ri jama'aka, a'jaria TubuNa.

EFESUS 5:25

Ikau tubura'-bura'nea, karimangngi bainennu, sangkamma Almasi Nakarimangngi jama'aka. Siagang Nakoro'bangkangi KalenNa untu' anjo jama'aka.