EFESUS 4:29 - KITTA' MATANGKASA'

²⁹ Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.

EFESUS 4:29 Referans Kwoze

KOLOSE 4:6

Sikamma bicara nupasuluka parallui appakasannang pa'mai' siagang appatimbo pangngai. Parallui nuasseng baji' appiali ri pakkuta'nanna taua.

1 TESALONIKA 5:11

Lanri kammana, paralluko massing sipakamaju siagang massing sipakajarre' ri tappa'nu, sangkamma nugaukangamo ri kamma-kammaya anne.

KATO'BA 10:12

Lanri kana-kananna tau cara'deka nanipakalompoi mingka panraki tau toloa lanri kana-kananna tonji.

PANGNGEBARANG 15:7

Kana-kana tau cara'deka rassi siagang pangngassengang, mingka pikkiranna tau dongoka tena nakamma.

PANGNGEBARANG 12:13

Tau ja'dalaka niallei ri sikko' kana-kana kodi napasuluka; tau bajika nipalili battu ri kasukkarranga.

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

PANGNGEBARANG 16:21

Tau cara'deka niassengi nibatei battu ri pikkirang taranna; angngallei pa'mai' batena a'bicara, ampa'jari nipatappa' kana-kananna.

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

PAMMUJI 52:2

ri wattunna battu Doëg, anjo tu Edom, mange ampauangi Saul angkana anrapi'mi Daud ri balla'na Abimelekh.

PANGNGEBARANG 15:23

Kana-kana nipasuluka ri wattu kaminang cocoka, langngerangi karannuang.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

LUKAS 4:22

Sanna' ngaseng baji'na kana-kana Napasuluka. Sa'genna lannasa'mo taua allangngereki, na nipakkontutojeng ri ke'nanga. Nakanamo ke'nanga, “Sai ana'na Yusuf anne Taua?”

PAMMUJI 5:9

O, Batara, tamaka jaina musungku! Renrenga' untu' anggaukangi erotTa, naKipicinikianga' oloang mustia kuolo.

1 PETRUS 3:1

Kammaya todong ikau, sikamma tu bai'-bainea, musti mappilangngeriko mae ri bura'nennu. Sollanna punna nia' tau tena natappa' bura'nenna ri biritta battua ri Allata'ala, akkullemi a'jari tappa' lanri nacini'na panggaukannu. Siagang tena nuparallu a'bicara apa-apa mae ri ke'nanga,

EFESUS 4:16

Irawangang pimpinanNa, nisusung baji' ngaseng sikontu anggota tubua; siagang nipasigappa ngaseng passisambung-sambunganna. Na punna massing anjama baji' ngaseng anjo anggota-anggotaya, la'bakka'mi anjo tubua a'jari kassa' lalang ri pangngamaseanga.

EFESUS 4:12

Kammami anjo Nagaukanga, sollanna nipasadia baji' Umma'Na Allata'ala sollanna akkulle nalayani Batara siagang nabangung TubuNa Almasi.

PAMMUJI 71:24

Sila'busu' alloi lakukabarrang kaadelanTa, saba' sikamma tau eroka ancilakaia' le'ba'mi nibeta siagang nipakasiri'.

PAMMUJI 45:2

Kana-kana bajika assulu' tojemmi battu ri atingku, kupangngadakkangi kelongku mae ri karaenga. Sanrapang pulpenna se'rea tucara'de' annulisi', sadiai lilaku appau kana-kana baji'.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

1 KORINTUS 14:19

Mingka punna a'rappungangki' untu' anynyomba mae ri Batara, la'bi kungaiangangi limambukua bicara kupake assala' akkulle napahang taua, naia assa'bu-sa'bua bicara appakalannasa' kupake natanapahanga taua. Kungaiangangi kammaya anjo, sollangku akkulle angngajaraki taua.

ROMA 14:19

Lanri kammana, ia parallua tuli niusahakang iamintu sikamma akkullea appa'nia' passiamakkang siagang sipaenteng mae ri sikamma taua.

ROMA 15:2

Mingka ikatte musti nipakasannangi atinna paranta tau untu' kabajikanna, sollanna pila' katambang jarre'na tappa'na mae ri Allata'ala.

YOHANES 1:37

Nalangngere'na anjo ruaya ana' gurunna Yohanes kana-kana kammaya, a'lampami ke'nanga amminawang ri Isa.