EFESUS 4:26 - KITTA' MATANGKASA'

²⁶ Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.

EFESUS 4:26 Referans Kwoze

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.

PAMMUJI 4:4

Assengi angkana, le'ba'mi Napile Batara untu' KalenNa sitau Nakamaseanga. Batara mappilangngeri Punna kumakkio' ri Ia.

PAMMUJI 37:8

Teako larroi siagang teako bambangi nyawanu, anjo cilakaji bawang naerang.

KATO'BA 7:9

Teako linta' dudu larro; tau toloaji bawang ammoli' larro.

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

PANGNGEBARANG 19:11

Tau cara'deka akkullei natahang larrona. Nipuji lanri tanajampangiai kasalanna taua mae ri kalenna.

MATIUS 5:22

Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

MARKUS 3:5

A'jari larromi Isa, na'la'bang Naciniki ngaseng tau niaka ri tammuliliNa. Mingka si'na tommi pa'mai'Na lanri kapala batuna ngaseng ke'nanga. Nampa Nakana ri anjo taua, “Pajonjoi limannu.” Napajonjomi limanna anjo taua, na'jari baji'mo.

PAMMILANGNGANG 20:24

“Tena nalantama' Harun ri pa'rasangang le'baka Kupa'janjiang mae ri bansa Israel; lamatei lanri ikau sipa'rua nubaliangi parentaKu ri ampi'na timbuseng je'ne' Meriba.

MARKUS 10:14

Nacini'na Isa anjo kammaya, larromi Isa ri ana'-ana' gurunNa. Nakana ri ke'nanga, “Lappassangi anjo ana'-anaka battu mae ri Nakke! Teako pisangkai, nasaba' tau kammaya ngaseng minne a'jaria umma'Na Allata'ala.

PANGNGEBARANG 25:23

Anging battu wara' mattantu langngerangi bosi; kamma tomminjo a'bi'nyaraka carita mattantu appaumbai kalarroang.

KALAPPASSANG 11:8

Kala'busanna nakanamo Musa, “Sikontu pagaweta labattu ngasengi mae ri nakke siagang lasu'juki ri dallekangku sollanna kubokoi anne pa'rasanganga siagang bansaku. Le'baki anjo la'lampama'.” Nampa sanna'mo larrona Musa na nabokoi karaenga.

PAOLE 24:15

Tunggala' allo ri wattu tenanapa nalabu alloa, musti nubayaraki gajina untu' anjo alloa; narannuangi anjo doeka lanri naparallukangi. Punna tena nubayaraki gajina, lakkioki mae ri Batara untu' appala' tulung passabakkang ikau, siagang ikau lanisalakang.

YAKOBUS 1:20

Inai-nai larro takkulleai nagaukang apa-apa bajika, ia nakarannuanga atinNa Allata'ala.

1 SAMUEL 20:34

Larro sikalimi Yonatan, nampa a'lampamo ambokoi mejang parjamuanga, siagang tena apa-apa nakanre ri passua'-suarrang makaruana anjo Bulang Berua. Sanna' sikalimi attojeng-tojenna ampikkiriki Daud le'baka nihina ri Saul manggena.