EFESUS 4:23 - KITTA' MATANGKASA'

²³ Parallui niberui ngaseng sikontu pa'mai'nu siagang pikkirannu.

EFESUS 4:23 Referans Kwoze

ROMA 12:2

Teako amminawangngi ri atorang-atoranna anne linoa. Boli'mi kamma na Allata'ala ampa'jari berui sipa'-sipa' niaka ri kalennu, sollannu akkulle tappinra. Lanri kammanapi anjo nampa akkulle nuasseng apa Nakaerokanga Allata'ala – iamintu apa nikanaya baji', siagang sukkuka ganna'na, kammayatompa nikarannuanga ri atinNa Allata'ala.

ROMA 8:6

Punna nikoasai pikkirannu ri sipa'-sipa' ma'rupataua, kale'bakkanna lanugappai kamateanga. Mingka punna nikoasai pikkirannu ri RohNa Allata'ala, kale'bakkanna lanugappai katallassanga siagang passiamakkanga siagang Allata'ala.

PAMMUJI 51:10

Boli'mi kamma kulangngere' kabara' nikarannuanga, sollanna a'jari rannu poleang anne atingku le'baka Kiancuru'.

KOLOSE 3:10

Kamma-kamma anne le'ba' mako nisare katallassang beru. Ikau a'jari tau beru mako, tulusu' niberuia ri Mappa'jaria, iamintu Allata'ala, situru' rupa KalenNa. Pattujunna iamintu sollanna pila' sukku' nuassenna Allata'ala.

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

YEHEZKIEL 36:26

Jari laKusare mako ati beru siagang pikkirang beru. Anjo atinnu terasa' kammaya batu laKusambei siagang ati mannuruki.

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.

YEHEZKIEL 18:31

Pamari anjo sikontu panggaukang ja'dala' nugaukanga siagang lappassammi a'jari beru atinnu siagang pikkirannu. Angngapa numusti mate?

YEHEZKIEL 11:19

LaKuberui atinna siagang panggaukanna ke'nanga. Atinna ke'nanga terasaka sanrapang batu laKuallei nampa Kusambei siagang ati mannurukia mae ri Nakke.

EFESUS 2:10

Ikatte bate pare'Naki' Allata'ala; tete ri Isa Almasi, Napare' beru maki' Allata'ala, sollanna nigaukang apa-apa bajika, le'baka Napasadiangki' Allata'ala.

ROMA 6:4

Iaminjo nije'netta a'jari pammatei angkanaya sikamateang maki' Isa Almasi, siagang nipasitarawang maki' siagang KalenNa; sollanna, antekamma batena attallasa' poleang ammotere' Isa Almasi lanri koasa mala'biri'Na Allata'ala Manggea, kamma tomminjo akkullei nigappa katallassang berua.