EFESUS 4:22 - KITTA' MATANGKASA'

²² Lanri kammana, pela'mi anjo sipa'-sipa' rupatau allalonu, nipanrakia ri kaerokang appa'lingu-lingua.

EFESUS 4:22 Referans Kwoze

ROMA 6:6

Niassemmi angkanaya nipasibunomi sipa'-sipa' kodi rupatauta salloa ri wattunna nibuno Isa ri kayu sallika, sollanna a'jari ancuru' koasana sipa'-sipa' kodita; lanri kammana, tenamo nanapare' ataki' dosaya.

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

YAKOBUS 1:21

Lanri kammana, pela' ngasemmi sikontu kabiasang ra'masaka siagang ja'dalaka. Tarimami siagang ati matuna kana-kana Nalamunga Allata'ala lalang ri atinnu, nasaba' anjo kana-kanaya nia' kakoasanna untu' ampasalamakko.

IBRANI 3:13

Jari sollanna tena manna sitau ri tangnga-tangnganu nitipu ri dosaya sa'genna tamappilangngeria ri Allata'ala, paralluko allo-allonu sipakainga' ilalang attallasatta ija ri anjo jammang napakkanaia Kittaka “Anne Jammanga”.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

EFESUS 4:25

Lanri kammana, parallu ngasengko massing a'gau' lambusu'. Tea' mako a'balle-ballei pole, nasaba' ikatte a'jari ngaseng maki' anggota TubuNa Almasi.

1 PETRUS 4:3

Ri wattu allaloa, le'ba'mi sallo nugaukang apa nangaia nagaukang tau tenaya natappa' mae ri Batara. Tena nabaji' batenu appanggaukang ri katallassannu. Nuturukiangi hawa napasunu, angnginung-nginungko sa'gennu nasa'ring, assua'-suarakko, angnginung-nginungko siagang appakaringi'-ringikko anynyomba mae ri barhalaya.

EFESUS 4:17

Lanri kammana, nasaba' arenNa Batara, iaminne lakupaua siagang lakupattantua: tea' mako attallasa' sangkammai pole tau tenayapa natappa' ri Allata'ala, siagang tau tenaya nannaba-naba pikkiranna.

2 PETRUS 2:13

Lanakasiaki ke'nanga kasessanga, a'jari pa'balasa' mae ri kasessang le'baka napare' ke'nanga. Ia nangaia ke'nanga iamintu tena masala nagaukang ri wattu singara'na alloa, sollanna napassukku' apa nakacinnanga tubuna ke'nanga. Punna simammempoangko siagang ke'nanga ri wattu pangnganre-nganreanga, sanna' appakaringi'na panggaukanna ke'nanga lanri nibengona ri hawa napasuna ke'nanga.

1 PETRUS 1:18

Nuassengi apa le'baka nipa'bayarrang untu' kalappassannu battu ri katallassang tenaya matu-matunna nasossoranga boe-boenu mae ri kau. Ia pa'bayara'na teai apa-apa akkullea panra' sangkamma peraka yareka bulaenga,

KOLOSE 2:11

Le'ba' mako nisunna' lanri asse're mako siagang Almasi; mingka teai sunna' nagaukanga rupataua, passangalinna sunna' Nagaukanga Almasi, le'baka allappassangko battu ri kakoasanna sipa'-sipa' dorakaya.

PANGNGEBARANG 11:18

Kaupakkanna tau ja'dalaka iamintu kaupakkang takontutojeng, kaupakkanna tau a'gau' bajika iami kaupakkang sitojennaya.

AYUB 22:23

Pakatunami pa'mai'nu, ammotere' mako mae ri Batara, pammarimi kaja'dallanga ri balla'nu.

EFESUS 2:3

Riolo sangkamma ngaseng tongki' anjo ke'nanga; amminawang turukki' mae ri sipa'-sipa' rupatauta, siagang iaji nigaukang apa akkullea ampakasannangi tubuta siagang pikkirang ja'dalatta. Anjo wattua nataba tongki' pangngalarroiNa Allata'ala, sangkamma tau maraenga.

OBAJA 1:3

Nitipuko ri atinnu tampoa. Ibukotanu iamintu moncong batu makassa'; tampa' pammantangannu iratei ri coppo'na moncong tinggia. Lanri kammana anjo nakanamo pikkirannu, ‘Inai todong lakkulle antu'gurangki'?’

2 PETRUS 2:7

Mingka Lot nipasalamaki, lanri naturukinna ero'Na Allata'ala; sanna' sikali sessana nakasia' lanri panggaukang takamma-kammana tau tenaya najampangi hukkunga.

YEREMIA 49:16

Lanitipuko ri katampoannu. Tena lamalla' ri kau kamma nukapanga. Ammantangko ri alla'-alla'na batua, bella ri coppo'na monconga. Mingka, manna pole nupare' balla'nu ri tampa' tinggi dudua, sangkamma tinggina ru'munna jangang-jangang rajawalia, mingka laNapanaungko Batara battu anjoreng. Batara ampaui yangasenna anjo.”

GALATIA 1:13

Tantu le'ba'mi nulangngere' katallassangku pirangalloang salaku tu tappa' ri agama Yahudia. Nuassengi antekamma sekke'na panggaukangku mae ri jama'aNa Allata'ala. Siagang antekamma terasa'na usahaku ero' angngancuruki ke'nanga.

1 SAMUEL 1:14

Nakanamo Eli ri ia, “Angngapa nanuanrinni nasa'ring! Tea' mako angnginungi pole anggoro'!”

ROMA 7:11

Nasaba' ilalammi ri anjo hukkung-hukkung agamaya angngalle kasampatang anjo dosaya antipua' siagang ambunoa'.

YAKOBUS 1:26

Punna nia' tau nakana kalenna tutu ri agamaya, mingka tena nakatutui lilana, anjo taua naballe-balleimi kalenna; tenamo matu-matunna sambayanna.

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

EFESUS 4:31

Pela'mi sikontu pa'risi' pa'maika, sentimenga, siagang larroa. Tea' mako pole akkio'-kioki sipakka'-pakkanai. Pela'mi sipa' sikabirisia yareka sipa'-sipa' sangkammaya anjo.