EFESUS 3:6 - KITTA' MATANGKASA'

⁶ Iaminne anjo rahasiaya: Passabakkang anjo Kabara' Bajika, para anggappami barakka'-barakka'Na Allata'ala bansa maraenga, siagang bansa Yahudia, iamintu barakka'-barakka' le'baka Napasadia Allata'ala; para a'jarimi ke'nanga anggota battu lalang ri tubu sangkammaya, siagang para natarima tommi ke'nanga apa Napa'janjianga Allata'ala tete ri Isa Almasi.

EFESUS 3:6 Referans Kwoze

1 YOHANES 2:25

Na iaminne Napa'janjianga KalenNa Almasi mae ri katte: Katallassang sitojennaya siagang mannannunganga.

1 YOHANES 1:3

Apa le'baka nacini' siagang nalangngere' ikambe, ia tomminjo nabirittakang ikambe mae ri kau ngaseng; sollannu amminawang todong siagang ikambe ampa'nyatai katallassang assiamaka, asse'rea siagang Manggea, kammayatompa asse're siagang Ana'Na iamintu Isa Almasi.

GALATIA 3:14

Nagaukammi Almasi kammaya anjo, sollanna nisare todong bansa-bansa maraenga barakka' le'baka Napa'janjiang Allata'ala mae ri Abraham. Jari, ikatte tau tappaka mae ri Allata'ala, akkulle tommaki' anggappai anjo Roh Napa'janjianga Allata'ala.

1 KORINTUS 12:27

Ikau ngasemmi antu sanrapang tubuNa Almasi siagang ikau ngaseng tommi antu sanrapang anggota-anggotana anjo tubua.

KOLOSE 2:19

sa'genna tenamo natanjeng ke'nanga mae ri Almasi, a'jaria kapala mae ri ke'nanga. Irawangang pimpinanNa Almasi, sikontu tubua niparakai siagang nipa'jari se're ri passisambung-sambunganna, kammayatompa a'bakka' situru' ero'Na Allata'ala.

EFESUS 5:30

niassengi anjo nasaba' ikatte anggota-anggota tubuNaki' Almasi.)

EFESUS 5:7

Jari, tea' laloko assileoki tau kammaya anjo.

1 KORINTUS 12:12

Almasi sanrapang tubuna taua; anjo tubua se'reji, mingka jai anggotana. Sikontu anjo anggota tubua, manna najai, mingka a'jari se'rei ilalang ri tubua.

YEHEZKIEL 47:22

siagang anjo buttaya a'jarimi nupatang satunggu-tungguna. Ia bansa maraeng niaka ammantang tuli ri tangnga-tangnganu, nampa nia' ana'-ana'na lassu', musti anggappa tongi bageang battu ri anjo buttaya. Anjo ke'nanga musti nipare' sangkammai bansa Israel, siagang musti amminawang tongi nigoccang arenna ke'nanga untu' anggappa butta punna nibagei anjo buttaya ri suku-suku Israel.

GALATIA 5:24

Inai-nai a'jarimo taunNa Almasi, matemi sipa'-sipa' rupatauna siagang sikamma ero' napasu rupatauna.

EFESUS 3:3

Nasungkemi Allata'ala mae ri nakke rahasia eroka Nagaukang na Napauanga'. (Bodona anne passalaka le'ba'mi kutulisi' irate;