EFESUS 3:18 - KITTA' MATANGKASA'

¹⁸ Appala' doanga' mae ri Allata'ala nuporo siagang ngaseng sikontu Umma'Na Allata'ala, akkulle ampahangi antekamma luara'na siagang la'buna, kammayatompa antekamma tinggina siagang lantanna pangngamaseanNa Almasi,

EFESUS 3:18 Referans Kwoze

YOHANES 15:13

Tau kaminang angkamaseangai passari'battanganna, iamintu tau eroka ampassareangi tallasa'na untu' passari'battanganna.

PAMMUJI 103:17

Mingka tuli Nakamaseangi Batara tu mappilangngeria, tulusu' a'jarina kabajikanNa ri sikontu turungang,

EFESUS 3:19

tenaya nakkulle napahang baji' akkala'na rupataua. Poro nupahang lalo anjo pangngamaseanNa Almasi, sa'genna Napa'jari sukku' Allata'ala batangkalennu.

YESAYA 55:9

Kamma tinggina langika battu ri buttaya, kamma tomminjo tinggina pikkirangKu rateanna pikkirannu, siagang oloangKu rateanna oloannu.

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.

EFESUS 1:15

Lanri kammana, ri uru kulangngere'na angkanaya tappa' mako mae ri Batara Isa, siagang nukamaseammo sikontu Umma'Na Allata'ala,

PAMMUJI 145:10

Sikontu bate paretTa mammuji mae ri Katte, o, Batara, sikontu ummatTa lappala' sukkuruki mae ri Katte.

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.

GALATIA 3:13

Mingka le'ba' maki' Napakabella Almasi battu ri pangngalarroiNa Allata'ala lanri hukkung-hukkung agamaya. Napassareammi KalenNa nituju ri pangngalarroia passabakkang ikatte. Nasaba' nia' tattulisi' lalang ri Kittaka angkanaya, “Cilakami tau mate nigentunga irate ri kayu sallika.”

EFESUS 1:10

Anjo eroka Nagaukang, iamintu, sollanna sikontu linoa, baji' na niaka ri suruga yareka na niaka ri buttaya, a'jari se're ngasengi lalang ri Almasi, a'jaria kapala. Na punna narapi'mi wattunna, laNapa'le'ba'mi Allata'ala anjo jama-jamanga.

PAMMUJI 139:6

Tamaka lantanna mae ri nakke anjo pangngassenganTa, tanirapikai ri pikkirangku.

ROMA 10:3

Tena naassengi ke'nanga antekamma caraNa Allata'ala ampa'jari bajiki ammotere' passisambunganNa siagang rupataua. Nalanri cara kalenna ke'nanga naturuki, jari tenamo nanaturuki ke'nanga cara Napappicinikanga Allata'ala.

PAMMUJI 132:9

Poro akkio' rannu ummatTa, na sikontu imanTa tuli naturuki erotTa lalang tallasa'na.

2 PATTOTTORANG 6:41

Ammenteng maKi' nai' kamma-kamma anne, o Karaeng Allata'ala! Kammayatompa antama' maKi' anrinni ri anne BallatTa siagang anjo Patti Parjanjiang pammatei kakoasanTa na Kiammantang anrinni sa'genna satunggu-tungguna. Kibarakkaki laloi sikontu jama-jamanna imang-imanTa, siagang dasi-dasi namate'ne sikontu ummatTa lanri bajitTa mae ri ke'nanga.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

2 KORINTUS 13:13

Poro Nabarakkakiko Batara Isa Almasi, naNakarimangngiko Allata'ala, kammayatompa Narurungang ngasengko RohNa Allata'ala! Sallangku, Paulus

ZAKHARIA 14:5

Lalariko allalo ri anjo lappara' ka'bung ambage ruayai anjo buluka. Lalariko sangkamma boe-boenu ri wattunna ta'ge'goso' buttaya ri wattu ammarentana Uzia, iamintu karaenna Yehuda. Nampa battu Karaeng Allata'alaku, nirurungang ri sikontu malaekaka.

PAMMUJI 116:15

Tamaka manynyayanNa Batara ri kamateanna se're tunikamaseanna.