EFESUS 2:20 - KITTA' MATANGKASA'

²⁰ Nibangung tommako irate ri batu le'baka napadongko' sikamma tunisuroNa Allata'ala siagang na'bi-na'biNa; nampa Isa Almasi a'jari sanrapang batu malompona anjo bangunanga.

EFESUS 2:20 Referans Kwoze

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

MATIUS 16:18

Lanri kammana, siratangi nuasseng angkanaya, ikau mintu Petrus, batu makassaka. Iratemi ri tompo'na anne batu pa'dongkokanga laKupaenteng garejaKu, tenaya lambetai, manna pole kamateanga.

PAMMUJI 118:22

Batu nipelaka ri tukang-tukang bangunanga, a'jari batu tangnga.

PAPPICINI' 21:14

Iratei ri sampuloa anrua batu pundasi nibangung anjo temboka. Ri anjo batu-batu pundasia massing niaki tattulisi' arenna sampuloa anrua tunisuroNa anjo Ana' Gimbalaka.

1 KORINTUS 12:28

Sangkamma tomminjo sanrapanna lalang ri jama'aka; le'ba'mi Napattantu Allata'ala massing tampa'na tasse're-se'rea tau: uru-uruna nia' a'jari tunisuroNa Allata'ala, makaruana na'bi-na'bi, makatalluna guru-guru, nampa anggaukanga gau' appakalannasa' nampa nia' maraenganga nisare pakkulle untu' ampakabajiki tau garringa, yareka untu' antulungi paranna tau, yareka untu' ammimping, yareka kacara'dekang untu' a'bicara a'rupa-rupa bicara appakalannasaka.

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

GALATIA 2:9

Anjo Yakobus, Petrus, siagang Yohanes a'jari pamimpinga mae ri jama'ah-jama'aka; namangakui ke'nanga angkana ma'nassa Allata'ala assarea' anne jama-jamang matangkasaka. Jari assijamakkimi ke'nanga siagang Barnabas, na inakkemi a'jari pammateina anjo passari'battanganga. Nampa assamaturu' ngasemmo ke'nanga siagang ikambe angkanaya ikambemi lanjama ri tangnga-tangngana bansa-bansa maraenga, na ke'nanga lanjama ri tangnga-tangngana bansa Yahudia.

PANGNGEBARANG 9:1

Kacara'dekanga ambangummi balla', siagang napaenteng tujua bentenna.

ZAKHARIA 10:4

Battu ri tangnga-tangngana ke'nanga laKupilei tukoasaya, pamimpinga, siagang panglima lammarentaya ri ummakKu.”

EFESUS 3:5

Riolo tena le'bakai nipau anjo rahasiaya mae ri rupataua; mingka kamma-kamma anne Nasungkemi RohNa Allata'ala mae ri tunisuroNa siagang na'bi-na'biNa.

KOLOSE 2:7

siagang anna'gala' majarre' mako mae ri Ia. Parallui nubangung katallassannu lalang ri Isa Almasi, sanrapanga batu majarre'. Parallui pila' majarre' tappa'nu mae ri Isa situru' apa le'baka nipangngajarrang mae ri kau. Siagang paralluko tamalanrea appala' sukkuru'.

1 PETRUS 2:6

Nasaba' nia' tattulisi' lalang ri Kittaka angkanaya, “Le'ba'mi Kupile batu lompoa anggaranna, Kupadongkoka a'jari batu majarre' ri kota Sion; na inai tappa' ri Ia talamala'bayai pa'mai'na.”

1 KARAENG-KARAENG 7:11

Irateanganna nipasangngi batu-batu maraeng ia tinggia anggaranna siagang nipolonga situru' ukkuranna, nampa nitongko' siagang kayu camara Libanon.