EFESUS 1:17 - KITTA' MATANGKASA'

¹⁷ Kupalaki mae ri Allata'ala, Batarata Isa Almasi, Mangge mala'birika, sollannu Nasare RohNa. Iaminjo RohNa lampa'jari cara'dekko, siagang lampappiassengangi sa'genna nuasseng Allata'ala.

EFESUS 1:17 Referans Kwoze

YESAYA 11:2

KoasaNa Batara langngului, ampa'jari baji' akkalaki siagang cara'deki, porei angngalle kaputusang nampa nagaukang; angngassengi ero'Na Allata'ala siagang mappilangngeri ri Ia.

PANGNGEBARANG 2:5

Lanri kammana lanuassemmi angkanaya apa battuanna nikanaya malla' ri Batara, siagang lanugappami pangngassengang ri sesena Allata'ala.

2 PETRUS 1:3

Le'baki Napake koasa kakaraenganNa Allata'ala untu' assareki' sikontu apa-apa niparalluanga sollanta akkulle anynyomba ri Ia lalang tallasatta. Nagaukangi kammaya anjo tete ri mangngassenta mae ri Isa Almasi le'baka angkiokki' sollanna akkulle todong nikasia' kalompoanNa siagang kabajikanNa.

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

1 KORINTUS 2:10

Mingka le'ba'mi Napappiassengang RohNa Allata'ala mae ri katte. Iami anjo RohNa Allata'ala ansalidiki ngasengi sikontu apa-apaya, sa'genna pole rancanaNa Allata'ala kaminang taccokkoa.

YEREMIA 24:7

LaKusarei ke'nanga kaerokang untu' ampahangi angkanaya iNakkemi Batara. Na la'jarimo ke'nanga ummakKu, siagang iNakke a'jari Allata'alana ke'nanga, lanri lammotereki ke'nanga mae ri Nakke lalang sikontu pa'mai'na.

EFESUS 3:5

Riolo tena le'bakai nipau anjo rahasiaya mae ri rupataua; mingka kamma-kamma anne Nasungkemi RohNa Allata'ala mae ri tunisuroNa siagang na'bi-na'biNa.

YOHANES 20:17

Nakanamo Isa ri ia, “Teako ta'galakiA', nasaba' tenapa naKunai' ri Manggea. Mingka a'lampamako mae ri sikamma sari'battangKu, siagang pauangi ke'nanga angkanaya kamma-kamma anne nai'Ma' ri ManggeKu siagang Manggenu todong, ri Allata'alaku siagang Allata'alanu todong.”

LAMPA-LAMPANA 6:10

Mingka tanakulleai ke'nanga ampitompoki anjo kana napaua Stefanus, nasaba' le'ba'mi nisare Stefanus kacara'dekang ri RohNa Allata'ala, untu' a'bicara.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

YOHANES 14:26

Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.

2 KORINTUS 12:1

Memang, tena passawallang nigappa punna nipakalompo pa'maika. Mingka kamma tonji erokku angkalompoang pa'maiki apa-apa le'baka Napappicinikang Allata'ala mae ri nakke.

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

PAMMUJI 24:7

Sungkemi lua'-luara' pakke'bu' lompo toaya, sollanna antama' Karaeng mala'birika.

1 KORINTUS 12:8

Nia' tau nisare ri RohNa Allata'ala pakkulle a'bicara sa'genna lompo pangaruna. Maraenganga nia' nisare kacara'dekang untu' ampakasingaraki biritta battua ri Allata'ala; naia tonji anjo Roh se'rea assarei kacara'dekang.

1 KORINTUS 2:8

Tena manna se're tau anna'galaka koasa ri anne jammanga angngassengi anjo pangngassenganga. Nasaba' ka'de' naassemmi ke'nanga, tantu tenamo nanasalliki ke'nanga anjo Batara kaminang mala'birika.

ROMA 15:6

Lalang ma'julu atinu nukkulle assama-sama mammuji mae ri Allata'ala, ManggeNa Batarata Isa Almasi.

YOHANES 16:3

La'gau' kammai anjo ke'nanga mae ri kau, lanri tenanapa naassengi Manggea, siagang tenanapa naassengA'.

DANIEL 10:1

Ri taung makatallu pamarentahanna Karaeng Koresy ri Persia, nia' se're pasang nipa'nyata mae ri Daniel niarenga todong Beltsazar. Kammatojengi anjo pasanga mingka sanna' sukkara'na nipahang. Ri wattunna naboya Daniel battuanna, anggappami kasingarang Daniel angkana apa battuanna anjo pasanga lalang se're paccini'.

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

YOHANES 14:17

Iami RohNa Allata'ala, lampa'nyatayai katojenganNa Allata'ala. Talanitarimayai ri linoa, lanri tanicinikai siagang taniassengai. Mingka ikau ngaseng nuassengi, lanri niaki ammantang ri kau ngaseng, siagang lasse'rei ri kalennu ngaseng.

MATIUS 16:17

Nakanamo Isa, “Upa' sikaliko kau Simon ana'na Yona! Nasaba' teai rupataua ampauangko anne, mingka ManggeKu ri suruga.

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

YEREMIA 9:24

Inai ero' lompo pa'mai' ri passabakkang apa-apaya, musti lompo pa'maiki passabakkang naassengKu siagang napahangKu; angkanaya naassengi angkana mangngamaseangA' sa'genna satunggu-tungguna na Kupaenteng hukkunga siagang kaadelanga ri lino. Yangasenna anjo napakasannangi atingKu. INakke, Batara, akkana kamma anjo.”

YEREMIA 2:11

Tale'bakai nia' se're bansa ansambei rewatana manna pole naanjo teai Allata'ala sitojennaya. Mingka, ummakKu le'bakKa' nasambei, kalompoanna ke'nanga siagang se'rea apa takkulle appare' apa-apa.

PAMMUJI 24:10

Inaika Karaeng mala'birika? Iami Batara Kaminang Koasaya, Iami Karaeng mala'birika!

PAPPICINI' 7:12

Akkio'mi ke'nanga angkana, “Aming! Nipujimi Allata'ala Mala'birika siagang Mabajika. Iami siratanga nipitujui alla'bi-la'bi kasukkurang siagang pappakalompo. Iami makoasa siagang magassing sa'genna satunggu-tungguna! Aming.”

TITUS 1:1

Natarimai anakku Titus! Anne suraka battu ri nakke Paulus, atanNa Allata'ala siagang tunisuroNa Isa Almasi. Nipilea' siagang nisuroa' untu' antulungi sikamma tau Napilea Allata'ala sollanna a'jari jarre' tappa'na ke'nanga. Musti kubantu tongi ke'nanga sollanna naasseng katojengang napangngajarranga agamata,

DANIEL 5:11

Nasaba' lalang ri kakaraenganna karaengku nia' sitau bura'ne nikoasai ri roh rewata-rewata matangkasaka. Ri wattu pamarentahanna manggena karaengku, anjo taua a'buttimi angkanaya nia' kacara'dekanna, pammahanna siagang pangngassenganna, sangkamma pangngassenganna sikamma rewataya. Manggena karaengku, iamintu Karaeng Nebukadnezar, le'baki naangka' anjo taua a'jari pamimping mae ri pacinika siagang tau cara'deka accini' bintoeng.

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

YAKOBUS 2:1

Sikamma sari'battangku! Salaku tau tappa' mae ri Batara Isa Almasi, Batara Kaminang Mala'birika, tea' laloko passimmara'-maraengi parannu tau situru' apa nacinika mata.

1 KORINTUS 14:6

Ebara'na inakke battu mae ri kau ngaseng nakua'bicara appakalannasa' mae ri kau, maka apa matu-matunna mae ri kau? Mattantu tena matu-matunna manna sike'de'! Simmaraengi punna kupa'nyata apa eroka Napa'nyata Allata'ala, yareka kupakasingara' apa-apa battua ri Allata'ala, yareka kupabattu biritta battua ri Allata'ala yareka kuajarakko.

LUKAS 12:12

Nasaba' punna narapi'mo wattunnu la'bicara, laniajara' mako ri RohNa Allata'ala apa siratanga nupau.”

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

PAMMUJI 29:3

Allata'ala malompoa a'gunturuki irateanna tamparanga, sa'ranNa kalangngerangi irateanna tamparang lompoa.

2 TIMOTIUS 2:25

Musti tunai angngajaraki tau nangaia pabali-bali; barang nisareji kasampatang ri Allata'ala anjo ke'nanga untu' a'jari toba' battu ri dosa-dosana siagang naasseng pangngajarang tojenga.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

LAMPA-LAMPANA 7:2

Appialimi Stefanus nakana, “Sikamma bapa'-bapaka siagang sari'battanga! Pilangngeri sai anne kanangku! Ri tenanapa na'lette' boeta Abraham battu ri pammantanganna ri Mesopotamia mange ri Haran, battui Allata'ala mala'birika mae ri ia, angkana,

KALAPPASSANG 28:3

Kioki sikontu tukang manjaika ia le'baka Kusare kacara'dekang. Suroi ke'nanga ampareki pakeanna Harun sollanna akkulle nisa'la' untu' allayaniA' salaku imang.

AYUB 42:5

Riolo, pangngassengangku mae ri Katte apa kulangngere'ji battu ri taua, mingka kamma-kamma anne kuassengKi' lanri assidallekangKi'.

PANGNGEBARANG 18:15

Tau bajika akkala'na, tuli turerei ri pangngassengang; tau cara'deka, tuli eroki anggappa pangngajarang.

EFESUS 4:13

Lanri kammana, a'jari se're ngaseng maki', a'julu tappa' siagang a'julu pahang mae ri Ana'Na Allata'ala. Siagang a'jari tau toa pikkirang ngaseng maki', pila' mange allo pila' nipa'jari sukku' sangkamma Almasi.

FILIPI 3:15

Ikatte, tau toayamo ri katallassang rohania, musti nigaukangi kammaya anjo. Mingka punna nia' ri kau maraeng panggappana, KalenNa Allata'ala lampakasingaraki pole mae ri kau.

MATIUS 20:33

Appialimi ke'nanga angkana, “O Tuang, erokki' anne accini'!”