DANIEL 9:25 - KITTA' MATANGKASA'

²⁵ Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.

DANIEL 9:25 Referans Kwoze

EZRA 4:24

Nipammarimi nijama pambangunanna Balla'Na Batara ri Yerusalem siagang tenamo nanipannarrusuki sa'genna ri makaruang taunna ammarenta Darius, karaeng Persia.

YOHANES 4:25

Nakanamo anjo bainea ri Isa, “Kuassengi angkanaya labattui Karaeng Mappasalamaka (nigallaraka Almasi). Punna niaki battu, Iami lampauang ngasengki' sikontu apa-apa tenaya nipahangi.”

YOHANES 1:41

Akkaro-karomi Andreas amboyai Simon, iamintu sari'battanna, na nakana ri ia, “Ikambe assibuntulu' maki' siagang Mesias!” (Mesias sangkammai battuanna siagang Almasi, iamintu: Karaeng Mappasalama'.)

YESAYA 55:4

Sikontutojenna, ia laKupa'jari pamimping siagang panglima, sa'bi kakoasangKu mae ri sikamma bansa-bansaya.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

DANIEL 9:23

Ri wattunnu appakkaramula appala' mae ri Allata'ala, appialimi. Battua' anne ampabattuangko lanri Nakamaseangko Allata'ala. Jari pilangngerimi baji'-baji' nakupakasingara' battuanna anjo apa nucinika.

DANIEL 8:25

Lanri ia sannaki porena akkala'na, tuli lanjari balle-ballena. Lanakatampoangi kalenna, siagang tena napakainga' rioloi taua na napanraki tau jaia. Ba'lalo barani angngewai Karaeng Kaminang Lompoa. Mingka laniancuru' tongi nateaiji kagassingang rupatau.

NEHEMIA 6:15

Pakabajikianna anjo tembo' kallika iamintu 52 allonna, nampa le'ba'. Tanggala' ruampulo allima bulang Elul nale'ba'.

NEHEMIA 4:8

Assitujumi ke'nanga ero' ambunduki Yerusalem untu' appare' karicuang.

NEHEMIA 3:1

Iaminne laporang ri passala' antekamma batena nipakabaji' tembo' kalli'na kota Yerusalem. Imang Lompoa niarenga Elyasib, siagang ngaseng aganna ambangungi ammotere' Pakke'bu' Lompo Gimbala', ampatabai sikamma pakke'bu'na siagang antangkasi poro untu' Batara. Iatommi ke'nanga ampakabajiki siagang antangkasi temboka sa'genna ri Menara Sibilangngang, kammayatompa sa'genna ri Menara Hananeel.

PAPPICINI' 19:16

Ri jubaNa siagang ri bongganNa nia' tattulisi' areng kammaya anne, “Karaenna sikamma karaenga, siagang Batarana sikamma tumalompoa.”

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.

LAMPA-LAMPANA 5:31

Siagang nisaremi ri Allata'ala empoang siagang kakoasang matinggi, a'jari Pamimping siagang Mappasalamaka; sollanna nisare kasampatang bansa Israel untu' a'jari toba' battu ri dosa-dosana na nipammopporang.

LAMPA-LAMPANA 3:15

Nubunoi anjo Isa, na sikontutojenna Iami kabattuanna katallassanga untu' sikontu rupataua. Mingka nipattallasa' poleammi ri Allata'ala battu ri kamateanga. Kalennami ikambe anciniki anjo apa kajarianga.

MARKUS 13:14

“Nia' sallang lanucini' ammenteng ‘Kaja'dallang Lammanra'-manrakia’ ammenteng ri tampa' tasiratanga napammentengi. (Tau ammacaya parallui napahang apa battuanna anne!) Anjo wattua, tau niaka ri Yudea parallui lari nai' ri buluka.

MATIUS 24:15

“Lanuciniki sallang ammenteng ri tampa' matangkasaka, ‘Kaja'dallang langngancuruka’, sangkamma le'baka napau Na'bi Daniel.

DANIEL 8:11

Ba'lalo napa'ngarai panglimana tantara suruga, napammari koro'bang passare allo-alloa mae ri anjo panglimaya, siagang narumbangi balla' ibadaya mae ri ia.

PAMMUJI 71:10

saba' napa'jari carita' musu-musungku, assikongkoloki tau eroka ambunoa'.

EZRA 7:8

Nabokoi ke'nanga Babel tanggala' se're bulang se're. Nitulungi ke'nanga ri Allata'ala, sa'genna battumo ke'nanga mange ri Yerusalem ri tanggala' se're bulang lima.

EZRA 7:1

Attaung-taung ribokoanganna, ri wattunna Artahsasta ammarenta salaku karaeng ri Persia, nia' sitau bura'ne niareng Ezra, battu ri turungang Imang Lompoa Harun. Ia garisi' turunganna punna nitotoro' battu rawa nampa nai', iamintu: Ezra Zeraya Azarya Hilkia

2 SAMUEL 15:25

Nampa nakanamo karaenga ri Zadok, “Poterangi anjo Patti Parjanjianga mae ri kotaya. Punna Nangaia' Batara, tantu Nasarea' pangngellai ammotere' siagang anciniki pole anjo Patti Parjanjianga siagang tampa' pammantanganNa.

EFESUS 5:16

Pake bajiki sikontu kasampatang niaka ri kau; nasaba' anne jammanga, jammang kaja'dallang.

LAMPA-LAMPANA 8:30

Mangemi Filipus a'reppese' ri anjo karetaya, nanalangngere'mo anjo taua ammaca Kitta' Yesaya. Akkuta'nammi Filipus ri anjo taua nakana, “Maka kipahanji battuanna anjo apa kibacaya?”

MATIUS 13:23

Na anjo bine takkioroka ri butta copponga, iaminjo pangngebarang mae ri sikamma tau allangngerekami anjo kabaraka siagang napahang baji'-baji'. Jaimi rapponna ke'nanga, nia' a'lappi sibilangngang, nia' a'lappi annampulo, siagang nia' a'lappi tallumpulo wassele'na.”

NEHEMIA 4:2

Ri dallekanna agang-aganna ngaseng siagang tantara Samaria nakanamo, “Apa anjo nagaukang tu Yahudi cilakaya, tenaya apa-apa akkulle nagaukang? Apaka eroki ke'nanga ambangung poleangi anne kotaya? Maka nakana kapang ke'nanga akkullei le'ba' lalang siallo anjo jama-jamanga, lanri assarena bawang koro'bang ke'nanga? Maka akkullei anjo tambungang loro ammutunga le'ba' nakanre pepe' napa'jari batu-batu untu' anjo tembo' kallika?”

KATO'BA 3:3

wattu untu' ammuno siagang wattu untu' appamolle, wattu untu' anrumbang siagang wattu untu' ambangung.

MIKHA 5:1

Nakana Batara, “He Betlehem Efrata, ikau kalase'renna kota kaminang ca'dia ri Yehuda! Mingka battu ri kaumi laKupammumba sitau makoasaya untu' Israel, naia assala'na battu riolo duduji.”