DANIEL 9:24 - KITTA' MATANGKASA'

²⁴ Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

DANIEL 9:24 Referans Kwoze

ROMA 5:10

Punna ri wattu assimusuta siagang Allata'ala nanipassiama' maki' siagang Ia tete kamateanNa Ana'Na, la'biangampa ri kamma-kammaya anne, ri wattu a'jari baji'namo ammotere' passisambunganta siagang Allata'ala, mattantu tommi lanipasalamatta tete ri tallasa'Na Isa Almasi.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

PAMMILANGNGANG 14:34

Lanukasiaki kale'bakkang kodina dosanu lalang patampulo taung sallona; sitaunga nirekengi untu' siallo battu ri patampulo alloa nupake untu' ansalidiki anjo pa'rasanganga. Lanuassengi angkanaya antekamma kasia'na punna angngewako ri Nakke!

KAIMANGNGANG 25:8

Rekengi pintuju tattuju taung, iamintu patampulo assalapang taung jaina.

LAMPA-LAMPANA 3:22

Le'baki Musa angkana, ‘Lania' sitau na'bi Nasuro Allata'ala battu mae ri kau, sangkammaya todong inakke Nasuroa' battu mae ri kau. Anjo na'bia tu battu tonji ri bansanu. Musti nupilangngeri ngasengi sikontu apa napaua anjo na'bia mae ri kau.

YESAYA 56:1

Nakana Batara ri umma'Na, “Gaukangi apa adeleka siagang apa situruka siagang hukkungKu. Saba' sinampe' mami naKubattu ampasalamakko na nipa'nyata kaadelangKu.

YESAYA 51:6

Parhatikangi langika siagang ciniki buttaya; langika lalanynyaki rapang umbu na buttaya la'jari toai rapang baju toa, sikontu pandudu'na lamate ngasengi rapang lamu'. Mingka kasalamakkang Kupassareanga tuli nia'na satunggu-tungguna, siagang tena kale'bakkanna pammetangKu.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

YESAYA 51:8

Lapanraki ke'nanga siagang lalanynyaki, rapang pakeang nakanre kacoa' siagang kaeng bulu gimbala' nikanre ri taisang. Mingka kasalamakkang Kupassareanga tuli nia'na satunggu-tungguna, a'jari pammetangKu sa'genna sikontu turungang.”

PAMMUJI 45:7

Nasareko koasa Allata'ala untu' ammarenta, attahangi koasanu satunggu-tungguna; ammarentako' siagang adele' mae ri ra'ya'nu.

PAPPICINI' 14:6

Nampa nia' kucini' se're malaeka' maraengang anri'ba' tinggi rate ri langika. Anjo malaekaka angngerangi biritta iamintu ri sesena Kabara' Baji' mannannunganga, untu' nipabattu mae ri rupataua ri lino; iamintu mae ri sikontu bansaya, sukua, bahasaya siagang pa'rasanganga.

IBRANI 2:17

Jari battuanna, angkanaya Iami musti a'jari sangkamma sari'battanNa ngaseng lalang ri sikontu-kontuna. Siagang lanri kammanami anjo nakkullemo a'jari Imang Malompo, Ia tamalanrea siagang lompo pangngamaseanga. Battu ri iaminjo palayananNa nakkullemo nipammopporang dosana rupataua.

YEHEZKIEL 4:6

Le'baki anjo anggiling maekoseng ri kanang siagang nukasiaki hukkunganga lanri kasalanna Yehuda patampulo allo sallona, siallo a'jari pangngebarang sitaung hukkungang mae ri ke'nanga.

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.

IBRANI 9:26

Nasaba' punna a'mole-molei Nagaukang kammaya, tantu a'mole-molemi Napisa'ringi sessaya baku' nipa'jarina linoa. Mingka a'nassami angkanaya ri anne kala'busang jammanga, battumi sikaliji bawang angkoro'bangkangi KalenNa sollanna Natangkasi dosaya.

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

YOHANES 3:34

Nasaba' tunisuroa ri Allata'ala, Napabattui kana-kananNa Allata'ala, lanri nipassareang ngasemmi RohNa Allata'ala ri Ia.

2 PATTOTTORANG 29:24

Le'baki anjo, nisamballe ngasemmi anjo bembea ri imang-imanga, nampa napatiri' cera'na mae ri tampa' pakkoro'bangngang salaku koro'bang pammopporo' dosana sikontu ra'yaka. Nagaukangi ke'nanga anjo gau' kammaya lanri le'baki naparentakang karaenga sollanna assare taua koro'bang nitunu siagang koro'bang pammopporo' dosa untu' sikontu ra'ya' Israel.

1 YOHANES 3:8

Mingka inai-nai tuli a'gau' dosa, iami ana'na Billisika, nasaba' anjo Billisika doraka memammi battu ri pakkaramulanna. Untu' iaminne Nabattu Ana'Na Allata'ala, iamintu untu' angngancuruki jama-jamanna Billisika.

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

IBRANI 10:14

Jari, tete ri se'rea koro'bang, Napasukku'mi Almasi matangkasa'na sikamma taua battu ri dosaya.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

KOLOSE 2:14

siagang tanjaria maki' natuntu' ri sura' pangnginranganta, sannaka battala'na mae ri katte. Lanri nasalli'namo anjo sura' pangnginranganga mae ri kayu sallika, taNarekenga ngasemmi Allata'ala anjo laNatuntuka mae ri katte.

KOLOSE 1:20

Siagang tete ri Ia tommi anjo Ana'Na, naNapa'jari assibajiki ngasemmo ammotere' sikontu apa-apaya siagang KalenNa – baji' na sikontu apa-apa niaka ri lino kammayatompa apa niaka ri suruga. Anjo Nagaukanga Allata'ala tete ri kamateanNa Ana'Na irate ri kayu sallika.

LAMPA-LAMPANA 3:14

Ia tau matangkasa' siagang tau baji', mingka nukabirisi siagang nupassai Pilatus allappassangi tu pabunoa untu' ikau sollanna nihukkung anjo Isa.

YOHANES 1:41

Akkaro-karomi Andreas amboyai Simon, iamintu sari'battanna, na nakana ri ia, “Ikambe assibuntulu' maki' siagang Mesias!” (Mesias sangkammai battuanna siagang Almasi, iamintu: Karaeng Mappasalama'.)

LUKAS 1:35

Appialimi malaekaka nakana, “Labattui RohNa Allata'ala mae ri kau, siagang laniaki koasaNa Allata'ala anrurungangko. Lanri kammana, anjo ana' lalassuka lanigallaraki Matangkasa', Ana'Na Allata'ala.

MARKUS 1:24

“E, Isa tu Nazaret, apa ero' Nugaukang mae ri kambe? BattuKo ero' anghukkungi ikambe? Kuassengi angkanaya inaiKo antu: iKaumi Tunisuro matangkasaka, battua ri Allata'ala!”

MATIUS 11:13

Ri tenanapa nabattu Yohanes le'ba'mi napassareang ngaseng Musa sikontu pangngatorang agamaya. Kammayatompa sikontu apa lakajarianga le'ba'mi napau la'bi riolo na'bi-na'bia.

MATIUS 1:21

Lammanaki sallang Maria sitau ana' bura'ne. Na anjo anaka musti nuarengi sallang Isa, nasaba' Iami sallang lampasalamaki umma'Na battu ri kapanrakanga.”

YEHEZKIEL 28:12

“He tau, appiraungko untu' karaeng Tirus. Pabattui apa Kupaua, iNakke, Batara Kaminang Tinggia, mae ri ia angkana, ‘Le'bakko a'jari pangngebarang ri apa nikanaya sangga; riolo ikau sanna' cara'de'nu siagang gammarakko.

PIRAUNG 4:22

Le'ba'mi najappai Sion hukkunganna lanri dosa-dosa nagaukanga ke'nanga; kamma-kamma anne tenamo nalaNibalang parekang ikambe ri Batara na tenamo kilaNierang pole mange ri pammelakkanga. Mingka ikau Edom, laNihukkungko ri Batara. Lanisungkei sikamma dosa-dosanu.

KAIMANGNGANG 8:15

Nampa nasamballe Musa siagang naalle sipa'gang cera'na anjo olo'-oloka. Anjo ceraka napasapui siagang karemenna mae ri tanru'-tanru' niaka ri sikamma panyingkulu'na tampa' pakkoro'bangnganga, sollanna nitangkasi anjo tampa' pakkoro'bangnganga untu' Allata'ala. La'binna anjo ceraka napatiriki naung ri dapara'na tampa' pakkoro'bangnganga. Kammaminjo carana nitangkasi anjo tampa' pakkoro'bangnganga siagang nisa'la' untu' Batara.

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

MATIUS 4:5

Le'baki anjo, nierammi pole Isa ri billisika mange ri Yerusalem, kota matangkasaka, nampa niboli' irate ri tompo'na Balla'Na Batara.

LUKAS 21:22

Nasaba' iaminjo allo-allo nikanaya, ‘Allo-allo Kabattuanna Hukkunganga,’ sollanna a'rupamo apa le'baka tattulisi' lalang ri Kittaka.

LAMPA-LAMPANA 4:26

Sadiai karaeng-karaenna linoa ero' a'bundu', siagang asse're ngasemmi pamimping-pamimpinga angngewai Batara, Karaeng Mappasalamaka.’

ZAKHARIA 4:14

Nakanamo, “Iaminjo battuanna ruaya tau le'baka Napilei Batarana sikontu linoa siagang nijo'joka untu' a'jari palayanNa.”

YESAYA 42:4

tena naranggasela yareka tappu' minasa, sa'genna nipaenteng kaadelanga ri lino. Sikamma pa'rasangang bellaya nakkuki ri pangngajarranna.”