DANIEL 9:21 - KITTA' MATANGKASA'

²¹ Lalang appala' doangku, anjo Gabriel, le'baka kucini' lalang paccinikku riolo, nia'mi anri'ba' a'lampa mae ri nakke. Anjo wattua narapi'mi wattunna taua assare koro'bang karueng.

DANIEL 9:21 Referans Kwoze

LUKAS 1:19

Appialimi malaekaka angkana, “Inakke minne malaeka' Gabriel. Inakke palayanNa Allata'ala, na Iami assuroa' ampabattui anne kabara' bajika mae ri kau.

DANIEL 8:16

Nia' kulangngere' sa'ra akkio' battu ri ba'leanna Binanga Ulai, angkana, “Gabriel, pakasingaraki ri ia battuanna anjo apa nacinika.”

DANIEL 10:16

Nampa anjo malaeka' a'rupataua napajonjoi limanna na nasero muncengku. Kukanamo ri ia, “O karaeng, anne paccinika nasessa sikalia' sa'genna tena sikalimo kagassingangku kusa'ring.

1 KARAENG-KARAENG 18:36

Ri wattunna narapi'mo wattunna assare koro'bang karueng, a'reppese'mi Na'bi Elia mae ri anjo tampa' pakkorobangnganga nampa appala' doang angkana, “O Batara, Allata'ala nasombaya Abraham, Ishak siagang Yakub, Kipa'nyatai kamma-kamma anne angkanaya iKattemi Allata'alana Israel, siagang inakke anne atanTa. Kipa'nyata tongi angkanaya sikontu anne apa kugaukanga lanri parentaTa.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

LAMPA-LAMPANA 10:3

Ri se'reang allo, kira-kira tette' tallu ri karuenga, nia'mo nacini' a'nyata sikali lalang pappiso'na, sitau malaeka'Na Allata'ala battu angkioki nakana, “Kornelius!”

DANIEL 10:18

Jari sikalipi pole naseroa', sa'genna katambang ammotere' kagassingangku.

DANIEL 8:18

Lalang a'bicarana, a'jari tenamo kungngu'rangi. Mingka nata'galakka' nampa nabalia' ammenteng ammotere'. Nampa nakana,

YESAYA 6:2

Ri tammuliliNa nia' malaeka' ammenteng kamma pepe' a'rinraya, massing ta'annang ka'nyi'na. Rua ka'nyi'na antongkoki rupanna, rua antongkoki kalenna, na rua ka'nyi'na maraenga untu' anri'ba'.

PAMMUJI 103:20

Pujimi Batara, he malaeka'-malaeka' gammaraka, ampilangngeriai siagang anggaukangai parentaNa.

KALAPPASSANG 29:39

Sikayu untu' passare bari'basa', na sikayu untu' passare karueng.

IBRANI 1:7

Ri sesena sikontu malaekaka, akkana kammai anne Allata'ala, “Napa'jari kammai anging malaeka'-malaeka'Na Allata'ala, siagang Napa'jari kammai pepe' palayang-palayanNa.”

LAMPA-LAMPANA 12:7

Ti'ring nia'mo malaeka'Na Batara ammenteng anjoreng, siagang accayami singaraka lalang ri kamara'na anjo tarungkua. Nironrommi Petrus ri anjo malaekaka, sa'genna ambangung Petrus. Nampa nakana anjo malaekaka, “He, ambangungko linta'!” Anjo wattua ta'lappasa'mi anjo rante bassi nipasikkoka ri limanna Petrus.

LAMPA-LAMPANA 10:9

Ammukona alloa, lalang a'jappana ija anjo tunisuroa siagang a'biringamo battu mange ri Yope, nai'mi Petrus ri ballaka ero' appala' doang.

LAMPA-LAMPANA 3:1

Ri se'reang allo a'lampai Petrus siagang Yohanes mange ri Balla'Na Batara. Anjo wattua tette' tallu ri karuenga, iamintu wattu passambayanganga.

MATIUS 27:46

Tette' tallu ri karuenga, ammarrang lompomi Isa Nakana, “Eli, Eli, lama sabakhtani?” battuanna, “O, Allata'alaKu, O, Allata'alaKu, angngapa naKibokoiA'?”

DANIEL 10:10

Nampa nia'mo lima anseroa' siagang ambangumma' appatungkulu' ri limangku siagang kulantukku.

YEHEZKIEL 1:14

Anjo apa attallasaka a'gioki ke'nanga a'lampa kemae-kemae, sangkamma kila' gassinna a'gio'.

YEHEZKIEL 1:11

Sipasang ka'nyi'na anjo massing apa attallasaka naka'rangi nai' sa'genna assialle siagang cappa' ka'nyi'na anjo apa attalasa' niaka ba'leanna; nampa sipasang ka'nyi'na maraenga ta'lappaki naung antongkoki kalenna.

PAMMUJI 104:4

Anging Kipa'jari suroTa, na kila' a'jari palayanTa.

LUKAS 1:26

Ri wattunna annang bulammo tianang Elisabet, Nasuromi Allata'ala malaeka' Gabriel mange ri kota Nazaret ri daera Galilea.

PAPPICINI' 9:17

Na lalang paccinikku, kuciniki anjo jaranga siagang sikontu pabaena. Anjo pabaena ammake ngasengi baju bassi sannaka ejana siagang a'rinraya tanja'na, gau' siagang kunyi' accaya. Anjo jaranga sangkamma ngasengi singa ulunna; na nia' pepe', umbu, siagang bara pepe' assulu' battu ri bawana.

PAMMUJI 141:2

Kitarimai pappala' doangku lalang koro'bang dupa, siagang kupatara limangku a'jari koro'bang bangngi.

YEHEZKIEL 14:14

Manna pole nania' Nuh, Danel siagang Ayub ammantang anjoreng ri tampaka, anjo kabajikanna tau tallua poro nyawa kalenna tonji ke'nanga lasalama'. INakke, Batara Kaminang Tinggia anne akkana.

1 KARAENG-KARAENG 18:29

Kammaminjo situlusu'na nagaukang ke'nanga sa'genna karueng, sangkamma nicini' tunisoso' ri setang. Mingka tena appiali ri ke'nanga, tena amparhatikangi.