DANIEL 9:17 - KITTA' MATANGKASA'

¹⁷ O Allata'alana ikambe, Kipilangngeri laloi pappala' doangku siagang sambayangku. Kipakabajiki ammotere' anjo ballatTa le'baka niancuru'; Kipakabajiki sollanna sikontu taua akkullei naasseng angkanaya iKatte Allata'ala.

DANIEL 9:17 Referans Kwoze

PAMMUJI 80:19

Natena nalammengka maraeng ikambe battu ri Katte; Kijagai tallasa'na ikambe, nalamammuji ikambe mae ri Katte.

2 KORINTUS 1:20

Nasaba' le'ba'mi Allata'ala angkana “Iyo” mae ri sikontu janjinNa, tete ri KalenNa Isa Almasi. Lanri kammanami anjo nakiangkanamo “Aming” mae ri Allata'ala, tete ri KalenNa Isa Almasi. Kammami anjo nagaukanga ikambe sollanna nipakala'biri' Allata'ala.

PAMMUJI 80:7

Kibalang parekangi bansa-bansa siampi'na ikambe ampa'beserangi buttana ikambe ammakkala' sannang ngasemmi musu-musunna ikambe.

PAMMUJI 80:3

ri dallekanna Efraim, Benyamin, siagang Manasye. Kipappicinikangi koasaTa mae ri kambe, battu maKi' ampasalamaki ikambe.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

YOHANES 16:24

Sa'genna kamma-kamma anne tenapa nule'ba' appala' apa-apa lalang arengKu. Appalakko, nalanugappa, sollanna a'jari sukku' karannuannu.”

DANIEL 9:19

O Batara, Kiparhatikang laloi ikambe siagang linta' maKi' angngalle tindakang! TeaKi' sallo-salloi, sollanna naasseng sikontu taua angkanaya iKatte Allata'ala. Nasaba' Yerusalem siagang ummatTa iKatte ampatangi, le'baka Kisa'la' untu' iKatte.”

PAMMUJI 119:135

Kibarakkakia' siagang kahaderanTa, siagang ajaria' katantuanTa.

PAMMUJI 80:1

Untu' pamimping pakelong. Situru' lagu: Bunga Bakung. Pammuji kasa'bianna Asaf.

PAMMUJI 67:1

Untu' pamimping pakelong. Nirurungangi ri kacapi. Pammuji.

PAMMUJI 4:6

Passareangi koro'bang mannabaya na tappa' mako ri Batara.

NEHEMIA 1:6

Kicinikima' o Batara, siagang Kipilangngeri anne pappala' doang kupanaika ri Katte allo bangngi untu' umma' Israel, anjo atanTa ngaseng. Kumangakui angkana ikambe, umma' Israel, dorakami. Inakke siagang boe-boeku doraka tonga'.

YESAYA 48:11

Kugaukangi anjo kammaya untu' KalengKu, saba' taKupa'biangai arengKu nira'massi; tena Kubagei kala'birangKu manna pole ri nai.”

1 KARAENG-KARAENG 8:28

O Batara, Allata'alaku, inakke anne atanTa'! Mingka Kipilangngeri laloi pappala' doangku anne alloa.

PAMMUJI 67:2

Poro Nakamaseang laloki' siagang Nabarakkaki laloki' Allata'ala, poro lammoro' pa'maiki anciniki ngasengki'.

PAMMUJI 74:3

Kijappai sai tampa' le'bakamo a'jari runtungang; sikontu apa-apa niaka ri BallatTa le'ba'mi naancuru' musua.

PAMMUJI 80:4

O, Allata'ala, Kipammollei ikambe; lammoro' pa'mai' maKi' anciniki ikambe, nalasalama' ikambe.

PIRAUNG 3:56

Kupala' dudui gassingka Kitongkoki tolinTa mae ri pappalakku sollanna Kitulunga'. NaKipilangngerimo pappalakku, siagang battu maKi' a'reppese'; Kikana, ‘Teako mallakki.’