DANIEL 9:13 - KITTA' MATANGKASA'

¹³ Sikontu anjo bala niaka tattulisi' lalang ri Hukkung napabattua Musa le'ba'mi Kipitujui ikambe. Mingka manna nakamma mamo, o Karaeng Allata'alana ikambe, tuli teana ija ikambe ampakasannangi atinTa. Tuli tenana naero' ikambe ambokoi dosa-dosana ikambe siagang taerokai ikambe amparhatikangi ajarang-ajaranTa.

DANIEL 9:13 Referans Kwoze

DANIEL 9:11

Sikontu tu Israel nadakkaimi hukkung-hukkunTa siagang taerokami ampilangngeri kananTa. Dorakami ikambe mae ri Katte. Lanri kammanami anjo naKipabattu mae ri kambe pangngalarroinTa, ia niaka tattulisi' lalang ri kitta'na Musa, atanTa.

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

YESAYA 9:13

Lanri kammana anjo lalang sialloji bawang Nahukkung Batara sikamma pamimpinna siagang ra'ya'na Israel. Napolongi ulunna nampa Napela' ulunna siagang ingkonna.

HOSEA 7:10

A'nassai nicini' katampoanna tu Israel siagang iaminjo a'jari butti mae ri kasalanna ke'nanga. Manna pole nakajariang ngasemmo anjo sikammaya, tena tongijapa naboyA' ke'nanga yareka ammotere' mae ri Nakke, Karaeng Allata'alana ke'nanga.

YEREMIA 31:18

Kulangngereki umma' Israel a'bicara lalang kapacceang, angkana, ‘O Batara, ikambe rapammi olo'-olo' tenayapa nipa'jari annabai mingka Kilati ummatTa untu' mannuruki, na kamma-kamma anne sadiami ikambe untu' ammotere' mae ri Katte. Jari, erammi ikambe ammotere', o Batara, Allata'alana ikambe.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

PAMMUJI 119:27

Kitulunga' untu' ampahangi hukkung-hukkunTa, ajarang malompoTa lakunawa-nawai.

AYUB 36:13

Tau tenaya nale'ba' nia' Batarana, lammoliki larro; manna nihukkung ri Batara, taerokai ke'nanga appala' bantuang.

YAKOBUS 1:5

Punna nia' tau ri kau ngaseng kurang pangngissengang, parallui nupappalakkang battu ri Allata'ala, sollanna nisare pangngissengang battu ri Allata'ala; nasaba' yangasenna taua akkullei Nasare Allata'ala lanri lammoro' pa'mai'Na, kammayatompa lanri pangngamaseanNa.

EFESUS 4:21

Le'ba'mi nulangngere' kabara' battua ri KalenNa! Salaku tau amminawanga ri Ia, le'ba' tommako niajara' ri passala' katojengang sipa'-sipa'Na Allata'ala niaka ri KalenNa!

YOHANES 10:35

Niassengi angkanaya apa tattulisika lalang ri Kittaka tappakei sa'genna satunggu-tungguna. Jari, punna Allata'ala anggallaraki ‘allata'ala’ sikamma tau ampilangngeriai kananNa,

YOHANES 8:32

lanuassemmi Allata'ala tojenga, siagang lanri kammana minjo nula'jari maradeka.”

YOHANES 6:45

Nia' tattulisi' lalang ri Kitta'-kitta'na Na'bi-na'bia angkanaya, ‘Sikontu rupataua laniajaraki ri Allata'ala.’ Jari sikontu tau ampilangngeri Manggea siagang appilajara' ri Ia, battu ngasengi mae ri Nakke.

LUKAS 24:45

Le'baki anjo Nasungkeammi Isa pikkiranna ke'nanga, sollanna akkulle napahang battuanna Kittaka.

HOSEA 7:14

Tena nattojeng-tojeng ke'nanga appala' doang mae ri Nakke. Punna appala' doangi ke'nanga, napatappasaki kalenna naung ri katinroanga, siagang appiraungi ke'nanga sangkamma nagaukanga tau tenaya natappa' mae ri Nakke. Punna appala' doang ke'nanga untu' appala' gandung siagang anggoro', naloko'-lokoki kalenna ke'nanga sangkamma nagaukanga tu anynyombaya mae ri rewataya. Ma'nassa angngewa tojeng-tojengi ke'nanga ri Nakke!

HOSEA 7:7

Lalang allumpana larrona, nabunomi pamimping-pamimpinna ke'nanga. A'le'basa'mi nabuno ke'nanga sikontu karaenga. Mingka manna pole na'jari kammamo anjo kodina kaadanga, tena sikali manna sitau appala' doang mae ri Nakke untu' nitulung.”

PIRAUNG 5:21

O Batara, allemi ikambe ammotere'; eroki ikambe ammotere' mae ri Katte! Kipoterammi tallasa'na ikambe sangkamma riolo.

YEREMIA 44:27

LaKuusahai sollanna anggappako cilaka siagang tena numate'ne, sa'gennu mate kabusu', baji' lanri pa'bundukang kammayatompa lanri garring.

YESAYA 64:7

Tenanniakka appala' doang mae ri Katte, yareka appala' pannulung battu ri Katte, saba' Kicokkoi rupanTa battu ri kambe, na Kilappassang ikambe nipanraki ri dosana ikambe.

YESAYA 42:9

Kamma-kamma anne apa le'baka Kutappu riolo kajariammi; erokKa' pole ampabattui passala' berua; ri tenanapa nakajariang anjo, Kupau riolomi mae ri kau.”

PAMMUJI 119:73

IKattemi ampa'jaria' siagang amparekka', Kisarea' pammahang untu' ampilajari sikamma parentaTa.

PAMMUJI 119:18

Kisungkei matangku sollangku accini' ajarang malompo niaka lalang ri hukkunTa.

PAMMUJI 85:4

Tenamo naKikalarroi ke'nanga; taKipa'jariami pangngalarroi lompoTa.

PAOLE 29:4

Mingka sa'genna kamma-kamma anne tenapa Nasareko kasampatang untu' ampahang kabusuki angkana apa battuanna anjo apa le'baka nucini'.

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

2 KARAENG-KARAENG 22:16

“LaKuhukkungi Yerusalem siagang sikontu pandudu'na sangkamma niaka tattulisi' lalang ri kitta' beru nibacaya ri karaenga.

YESAYA 43:22

Nakana Batara, “Mingka ikau Israel, tena nunynyomba ri Nakke, tenamo nugaukangi ibadaya mae ri Nakke.

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

YEREMIA 30:14

Sikontu tumangngainu takkaluppami ri kau; taerokami ampikkiriki kalennu. Kamma musu le'baka a'bakka na nahukkungko siagang palla', lanri jaina dosanu siagang lompona kasalannu.

YEHEZKIEL 16:43

LaKuhukkungko lanri tenana nanuu'rangi antekamma bateKu amparakaiko ri wattunnu lolo ija. NupakanassuA' lanri sikontu anjo panggaukang ja'dalaka. Angngapa nanutambai ija anjo sikontu panggaukang appakaringika siagang gau' bawang? INakke, Batara Kaminang Tinggia, anne akkana.”