DANIEL 8:22 - KITTA' MATANGKASA'

²² Anjo appaka tanru' ammumbaya ri wattunna tepo'mo tanru' rioloa, battuanna kakaraengang Yunani lata'bage-bagei a'jari appa' kakaraengang, mingka manna se're tania' lasangkamma kassa'na siagang anjo kakaraengang rioloa.

DANIEL 8:22 Referans Kwoze

DANIEL 11:4

Mingka ri coppo' kaporeanna, lareppeki siagang ta'bage-bagei kakaraenganna a'jari appa' bageang. Karaeng-karaeng teai jari-jarina lammarenta ansambeangi, siagang tena nasangkamma ia kagassinganna ke'nanga.

DANIEL 8:8

Anjo bembe lakia pila' a'bakkaki lompona. Mingka ri wattunna narapi' coppo' kakoasanna, tepo'mi tanru'na anjo lompoa; nampa ri anjo tampa' tanru'na nia'mo ammumba appa' tanru' assulu', massing-massing a'dalle' maraeng.

DANIEL 8:3

nampa ri birinna anjo binangaya nia' kucini' sikayu gimbala' laki, la'bu tanru'na, naia se'rea la'buangngangi natanru' se'rea siagang la'bi berui.

DANIEL 7:6

Ri wattunna kuparhatikang, nia'mo olo'-olo' maraeng ammumba. Tanja'na sangkammai macang, mingka ri dongko'na nia' appa' ka'nyi' jangang-jangang, siagang appaki ulunna. Kammai nicini' apa nipangngaliki.

DANIEL 8:21

Anjo bembe lakia, iami pangngebarranna kakaraengang Yunani, siagang anjo tanru' assuluka ri alla'na ruaya matanna, iamintu karaenna makase'rea.

DANIEL 8:23

Punna lanarapi' kala'busanna anjo sikamma kakaraenganga, iamintu punna narapi'mi coppo'na kaja'dallanga, nia'mo sitau karaeng kapala batu lammumba, siagang cara'deka annipu.

ZAKHARIA 6:1

Nia' pole paccini' maraeng kugappa. Kamma-kamma anne nia' kucini' appa' kareta pa'bundukang assulu' battu ri alla'na ruaya moncong tambaga.

DANIEL 7:7

Lalang kuparhatikanna anjo, nia'mo ammumba olo'-olo' makaappa'. Sanna' kassa'na siagang heba'na, kammayatompa appakamalla'-mallaki nicini'. Gigi-giginna lompoi siagang kassaki kamma bassi; iaminjo napake angkokkoki siagang allicaki apa-apaya, nampa naonjo'-onjokang sesanna. Sisalai siagang anjo olo'-olo' rioloangannaya, nasaba' ia sampuloi tanru'na.