DANIEL 8:10 - KITTA' MATANGKASA'

¹⁰ Anjo tanruka a'jari pila' lompoi sa'genna gassimmo angngewai tantara suruga iamintu sikamma bintoenga, ba'lalo nia' siapa are napasambila naung ri buttaya nampa naonjo'-onjokang.

DANIEL 8:10 Referans Kwoze

PAPPICINI' 12:4

Nare'resammi bage talluna sikontu bintoenga ri langika siagang ingkonna nampa napasambila naung ri buttaya. Ammentengi anjo nagaya ri dallekanna anjo baine eroka ammana', lanri eroki nakanre ana'na anjo bainea punna lassuki.

YESAYA 14:13

Appattujuangko nai' ri langika siagang nupadongko' empoang kala'birannu irate ri bintoeng kaminang tinggia! Nupikkiriki angkana akkulleko ammempo salaku karaeng irate ri moncong bageang wara', tampa'na sikamma rewataya a'rappungang.

DANIEL 8:7

Kuparhatikangi nabakkai anjo gimbala' lakia. Antekamma sekke'na sa'genna nalappo anjo gimbala' lakia siagang natepo' rua-rua tanru'na. Tena sikali kagassinganna anjo gimbala' lakia untu' angngewa. Tassambilai naung ri buttaya nampa nionjo'-onjokang, na manna sitau tania' akkulle antulungi.

DANIEL 7:7

Lalang kuparhatikanna anjo, nia'mo ammumba olo'-olo' makaappa'. Sanna' kassa'na siagang heba'na, kammayatompa appakamalla'-mallaki nicini'. Gigi-giginna lompoi siagang kassaki kamma bassi; iaminjo napake angkokkoki siagang allicaki apa-apaya, nampa naonjo'-onjokang sesanna. Sisalai siagang anjo olo'-olo' rioloangannaya, nasaba' ia sampuloi tanru'na.

DANIEL 11:28

Nampa anjo karaeng pa'rasangang waraka lammotereki mange ri pa'rasanganna angngerang barang-barang nirampasa' nagappaya. Napattantumi ri nyawana ero' angngancuruki agama napinawanga umma'Na Allata'ala. Lappaero'-eroki appanggaukang nampa ammotere' mange ri pa'rasanganna.

DANIEL 11:30

Nasaba' tu Roma siagang kappala'-kappala'na laniaki battu ri Siprus; lanibunduki ri ke'nanga sa'genna a'jari sanna'mi malla'na. Nampa lammotere'mo larro sikali siagang ero'mi naancuru' agamana umma'Na Allata'ala. Lanapilangngeri pappitangara'na tau a'bokoamo battu ri anjo agamaya.

YEREMIA 48:26

Nakana Batara, “Pareki Moab nasa'ring, lanri napattampoangi kalenna mae ri Nakke. Langgulung-gulungi lalang ri langngena, siagang lanikakkali ri taua.