DANIEL 7:16 - KITTA' MATANGKASA'

¹⁶ Nampa kureppesi kalase'renna tau niaka ammenteng anjoreng siagang appalakka' kasingarang ri passala'na yangasenna anjo kammaya. Jari napauamma'.

DANIEL 7:16 Referans Kwoze

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”

ZAKHARIA 2:3

Nampa kucini' anjo malaeka' le'baka a'bicara siagang inakke, a'dakka maju, siagang nia' se're malaeka' maraeng ambuntuli.

DANIEL 7:10

kammayatompa nia' pepe' a'lo'loro' battu ri anjo empoang kakaraenganga. Assa'bui tau allayani, siagang a'juta-jutai tau ammenteng ri dallekanNa. Nampa nipakaramulamo sidang pangadelanga, siagang nisungkemi kitta'-kittaka.

ZAKHARIA 3:7

“Punna mannurukiko ri hukkung-hukkungKu siagang nugakang sikamma tugasa' Kupassareanga mae ri kau, situlusu'nu lakkulle a'jari pamimping ilalang ri Ballakku siagang angngurusuki paranglakkenna. LaKupilangngeri sikamma pappala' doannu, sangkamma Kupilangngerinna pappala' doanna sikamma malaeka' niaka ri ampikKu.

DANIEL 9:22

Nampa napakasingara'mo Gabriel kamma anne, “O Daniel, battua' anne untu' ambantuko ampahangi anjo botoa.

DANIEL 7:17

Nakana, “Anjo appaka olo'-olo' sanna' lompona, iamintu appa' kakaraengang lammumba ri lino.

DANIEL 8:17

Jari Gabriel, anjo ammentenga ri dallekangku a'reppese'mi mae ri nakke. Sanna'mi malla'na kusa'ring, sa'gengku anra'ba. Nakanamo Gabriel ri nakke, “He tau, musti nuassengi battuanna anjo apa nucinika, angkanaya anjo passala'na kala'busang jammanga.”

ZAKHARIA 1:19

Akkuta'nanga' mae ri anjo malaeka' le'baka a'bicara mae ri nakke, angkana, “Apa ngaseng battuanna anjo sikamma tanruka?” Appialimi angkana, “Anjo sikamma tanruka iamintu pangngebarranna sikamma kakaraengang makassaka ampatassimbung-simbungai pandudu'na Yehuda, Israel siagang Yerusalem.”