DANIEL 7:13 - KITTA' MATANGKASA'

¹³ Lalang paccinikku ri anjo bangngia, nia' kucini' sangkamma rupatau. Battui na nikulilingi ri rammang, nampa a'lampa mange ri Ia anjo mattallasaka satunggu-tungguna siagang nipappiassengang mae ri ia.

DANIEL 7:13 Referans Kwoze

MATIUS 26:64

Appialimi Isa Nakana, “Annaba mintu kanannu. Mingka patappa'mi angkanaya: Anne kamma appakkaramulami lanucini' Ana' Ma'rupataua ammempo ri sa'ri kananNa Allata'ala Kaminang Koasaya. Siagang lanucini' tommi sallang battu poleang irate ri langika ri tompo'na rammanga!”

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!

LUKAS 21:27

Iaminjo wattua Nalabattu Ana' Ma'rupataua lalang ri rammanga siagang kakoasang na kala'birang malompoNa.

PAPPICINI' 14:14

Nampa kuciniki, na nia'mo kucini' rammang kebo'. Irate ri anjo rammanga nia' sitau ammempo sangkammaya nicini' tau tanja'Na. Ri ulunNa nia' songko' bulaeng, na ri limanNa nia' se're kandao tarang.

MATIUS 24:30

Le'baki anjo lammumbami rate ri langika pammatei kabattuanNa Ana' Ma'rupataua. Na anjo wattua langngarru' ngasemmi sikontu bansa-bansa niaka lalang lino. Lanacini'mi ke'nanga battu Ana' Ma'rupataua ri tompo'na rammanga, lalang koasaNa siagang kala'birang malompoNa.

MARKUS 13:26

Anjo wattua lania'mi nicini' battu Ana' Ma'rupataua ri tompo'na rammanga lalang koasa malompoa siagang kala'biranNa.

MATIUS 25:31

“Punna battu sallang Ana' Ma'rupataua a'jari Karaeng siagang nirurungang ri sikontu malaeka'Na, lammempomi irate ri empoang kala'biranNa.

YOHANES 3:13

Tenanniakka tau le'ba' nai' ri suruga, pantaranganna Ia manurunga antama' ri linoa, iamintu Ana' Ma'rupataua.

PAPPICINI' 1:13

Ri tangnga-tangngana anjo sikamma bangkeng-bangkeng lampua nia' sitau ammenteng a'rupa taua nicini' tanja'Na. Ammakei juba turunga sa'genna naung ri bangkenNa. Na barambanNa ammakei passikko' bulaeng.

MATIUS 13:41

LaNasuroi malaeka'-malaeka'Na Ana' Ma'rupataua ampasse're ngasengi sikontu tau a'jari passabakkanga na'gau' dosa taua, kammayatompa sikontu tau a'gau' ja'dalaka.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

LAMPA-LAMPANA 7:56

Nakanamo Stefanus, “Ciniki, tassungkei kucini' surugaya na nia' Ana' Ma'rupataua ammenteng ri sa'ri kananNa Allata'ala!”

IBRANI 9:24

Nasaba' teai Kamara' Matangkasa' bate pare'na rupataua Napantamakki Almasi. Anjo Tampaka poro pangngebaranji bawang ri Kamara' Matangkasa' sitojennaya. Ma'nassa suruga tojeng Napantamakki Almasi; anjoremmi kamma-kamma anne andallekang ri Allata'ala untu' kasalamakkanta ngaseng.

DANIEL 7:22

Nampa Ia anjo mattallasaka satunggu-tungguna battui nampa assare kaputusang Napattojeng umma'Na Allata'ala Kaminang Tinggia. Narapi'mi wattunna ke'nanga annarima koasa untu' ammarenta.

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

IBRANI 2:14

Nasaba' anjo sikamma tau Nakanaya ana', iamintu tau akkullea mate, napa'jarimi KalenNa Isa sangkamma kalenna ke'nanga, siagang attallasa'mi sangkamma rupataua. Kammami anjo Nagaukanga, sollanna lanri kamateanNa nakkullemo Nabeta sa'genna posso' Billisika, iamintu makoasaya ri kamateanga.

1 TIMOTIUS 6:16

Iaji bawang takkullea nikoasai ri kamateanga; Iami ammantang lalang ri singara' tenaya nakkulle nireppesi ri manna pole inai. Tena manna sitau le'ba' anciniki, yareka akkulle anciniki. Untu' Iami kala'biranga siagang kakoasanga sa'genna satunggu-tungguna! Aming!

DANIEL 7:9

Lalang tulusu' kuparhatikanna, nia'mo siapa are empoang karaeng nipadongko'. Nampa Ia mattallasaka satunggu-tungguna niaki ammempo irate ri kalase'renna anjo empoang kakaraenganga. PakeanNa siagang uu'Na sanna' kebo'na rapang kapasa'. Empoang kakaraenganNa siagang roda-rodana a'rinra-rinrai lanri pepe' lompo,

YEHEZKIEL 1:26

Irate ri anjo pattongkoka nia' kucini' kamma empoang karaeng nipareka battu ri batu nilang, nampa irate ri anjo empoanga nia'mo kucini' ammempo sangkamma tau.

PAMMUJI 47:5

Napileangki' tana pisaka untu' ikatte, kalompoang pa'mai' ri bansa Nakamaseanga.

YOHANES 12:34

Nakanamo anjo tau jaia ri Ia, “Manuru' Kitta' Hukkung niaka ri kambe, anjo Karaeng Mappasalamaka lattallasaki sa'genna satunggu-tungguna. Antekamma Nukkulle angkana musti nipakatinggi anjo Ana' Ma'rupataua ri lino? Inaika anjo Ana' Ma'rupataua?”

YOHANES 5:27

Nasaremi koasa Ana'Na untu' angngadeli rupataua, nasaba' Iami Ana' Ma'rupataua.

YEREMIA 49:19

Rapang singa ammumbaya battu lalang ri romang lompoa ri ampi'na Binanga Yordan nampa battu mange ri parang tampa'na gimbalaka a'ruku', kammatommi anjo bateKu labattu siagang lampalari tu Edom silalonna battu ri pa'rasanganna ke'nanga. Nampa langngangkaKa' sitau pamimping untu' amparentai anjo bansaya. Inai akkulle nipasangkamma siagang iNakke? Inai barani appare' parkara siagang iNakke? Apaka nia' pamimping akkulle angngewA'?

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

LUKAS 24:27

Le'baki anjo nipakasingariammi ri Isa ke'nanga, sikamma apa le'baka tattulisi' lalang ri Kittaka, ansero kanayai KalenNa. Napakasingara'mi appakkaramula battu ri kitta'-kitta'na Musa sa'genna kitta'na na'bi-na'bia.

1 TESALONIKA 4:17

Le'baki anjo, ikatte tau attallasaka ija anjo wattua lanipasiangka' ngasengki' siagang ke'nanga antama' ri rammanga untu' mange assibuntulu' siagang Batara. Nampa lammantang maki' siagang Batara sa'genna satunggu-tungguna.

PAMMUJI 110:2

Battu ri Sion laNapa'la'ba Batara kakaraenganNa; makoasa mako mae ri musu-musunnu!

DANIEL 7:12

Olo'-olo' maraengannaya le'ba'mi nialle koasana, mingka nipa'biangi ke'nanga attallasa' sa'genna wattu le'baka nipattantu.

DANIEL 8:15

Ri wattunna kuboya battuanna anjo apa kucinika, ti'ring nia'mo battu ri dallekangku ammenteng sangkamma tau.

PAMMUJI 2:8

Palaki, naKupassareang sikontu bansaya ri kau, sikontu buttaya Kupa'jari ikau pata.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.