DANIEL 6:22 - KITTA' MATANGKASA'

²² Nampa kalangngerammo sa'ranna Daniel appiali angkana, “La'bui umuru'na karaengku satunggu-tungguna!

DANIEL 6:22 Referans Kwoze

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

IBRANI 11:33

Lanri tappa'na ngaseng ke'nanga, nanabetamo sikamma karaeng ammarentaya. Nagaukangi ke'nanga apa-apa tojenga, sa'genna natarimamo apa Napa'janjianga Allata'ala. Natongkoki ke'nanga bawana singa-singaya,

LAMPA-LAMPANA 12:11

Le'baki anjo nampami naasseng Petrus anjo apa le'baka kajariang ri kalenna. Nakanamo ri kalenna, “Kamma-kamma anne kuassemmi angkanaya ma'nassa Nasuromi malaeka'Na Batara battu allappassanga' battu ri kakoasanna Herodes siagang battu ri sikontu apa eroka nagaukang bansa Yahudi mae ri nakke.”

LAMPA-LAMPANA 24:16

Iaminjo saba'na natuli kuusahai baji'-baji', sollanna tangkasa' atingku mae ri Allata'ala siagang tangkasa' mae ri parangku rupatau.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

MIKHA 7:7

Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.

DANIEL 3:28

Nampa nakanamo karaenga, “Pujimi Allata'ala nasombaya Sadrakh, Mesakh siagang Abednego. Iami le'ba' assuroi malaeka'Na untu' ampasalamaki tallua atanNa matappaka mae ri Ia. Le'baki nadakkai ke'nanga parentaku siagang erokangngangi matea ke'nanga kala anynyombaya yareka appakalompo ri rewata maraeng, pantaranganna Allata'alana todong ke'nanga.

PAMMUJI 31:14

Ri kere-keremae nia' apa appakamalla' dudu kulangngere' kabara'-kabara' anging battu ri musungku. Assikongkoloki ke'nanga ambalianga', appareki rancana untu' ambunoa'.

1 SAMUEL 17:37

Napasalama'mi Batara atanta battu ri singa siagang beruang. Iatommi lampasalamaki atanta battu ri anjo tu Filistinga.” Nakanamo Saul ri ia, “Baji'mi, poro Natulung laloko Batara.”

PAMMILANGNGANG 20:16

sa'genna akkio' ikambe appala' tulung ri Batara. Nalangngere'mi Batara pakkio'na ikambe nampa nia'mo se're malaeka' Nasuro battu. Anjo malaekaka ampimpingi ikambe assulu' battu ri butta Mesir. Kamma-kamma anne niaki ikambe ri Kades, se'reang kota ri pa'baeng-baenna daerana karaengku.

LAMPA-LAMPANA 27:23

Nasaba' ri bangngia niaki malaeka'Na Allata'ala battu mae ri nakke, iamintu Allata'ala kusombaya, Allata'ala makoasaya mae ri kalengku.

DANIEL 6:23

Allata'alana atanta Nasuroi battu malaeka'Na untu' antongkoki bawana anjo singa-singaya sa'genna tena naapa-apai atanta. Allata'ala ampasalamaki atanta nasaba' Naassengi angkanaya tena kasalang nagaukang atanta mae ri Ia siagang mae ri katte karaeng.”

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

PAMMUJI 118:28

IKatte Allata'alaku, appala' sukkurukka' mae ri Katte, Allata'alaku, kupakalompoKi'.

PAMMUJI 38:21

Tau ambalasakai kabajikanga siagang kaja'dallanga nabalianga' lanri kugaukanna kabajikanga.

PAMMUJI 34:7

Tu cilakaya akkioki siagang appialimi Batara, nilappassammi battu ri sikontu kasukkarranna.

2 PATTOTTORANG 32:21

Nampa akkirimmo malaeka' Batara untu' ambunoi anjo sikamma tantarana siagang perwira-perwirana tu Asyur. Teaimi sipato' siri'-siri'na karaeng Asyur ammotere' mange ri pa'rasanganna. Ri se'reang allo, ri wattunna sitabang nia' lalang ri balla' rewatana, nia'mo siapa are tau battu ri ana' bua kalenna ambunoi siagang pa'dang.

DANIEL 6:20

Ri wattu subua ambangummi nai' karaenga nampa karo-karo a'lampa mange ri leang singaya.

2 SAMUEL 22:7

Lalang kasukkarrangku kumakkio' ri Batara, ma'gora ri Allata'alaku appala' tulung. Battu ri Balla'Na Nalangngereki sa'rangku na Naparhatikang pakkiokku.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

MATIUS 27:46

Tette' tallu ri karuenga, ammarrang lompomi Isa Nakana, “Eli, Eli, lama sabakhtani?” battuanna, “O, Allata'alaKu, O, Allata'alaKu, angngapa naKibokoiA'?”

PAMMUJI 26:6

Kubissai limangku pammatei tena kusala, na ku'jappa angnginroi tampa' pakkoro'bangnganTa, o, Batara,

1 SAMUEL 26:18

Nampa nakana pole, “Angngapa natuli kiondangija atanta karaeng? Apa kutadeng kasalanna atanta?

PA'JARIANG 40:15

Nasaba', riolo nakke nilukkaka' battu ri tu Ibrani. Nampa anrinni ri Mesir tena le'bakapa' anggaukangi manna sirupaya kaja'dallang sa'gengku siratang nipantama' ri tarungkua.”

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

YEREMIA 37:18

Le'baki anjo akkuta'namma' angkana, “Apa kaja'dallangku mae ri katte karaeng yareka mae ri pagaweta, yareka mae ri ra'yaka, sa'genna kipantama' ri balla' tarungkua karaeng?

DANIEL 6:4

Kabateammi linta' angkanaya jama-jamanna Daniel la'bi bajikangngangi najama-jamanna sikamma guburnurka siagang pangawasa' maraengannaya. Lanri kammana anjo, ero'mi karaenga angngangkaki a'jari pamarenta mae ri sikontu kakaraenganga.

1 KARAENG-KARAENG 13:28

nampa a'lampa. Nagappami anjo maya'na na'bi battua ri Yehuda nia' ija ri aganga kammayatompa keledaina siagang singaya ri ampi'na. Anjo keledaia tena nanikokkoki ri anjo singaya, siagang tena todong nanakanre anjo mayaka.

DANIEL 6:7

Appada-padami ke'nanga a'lampa mange andallekang ri karaenga na nakana ke'nanga, “O Karaengku Darius, la'bui umurutta satunggu-tungguna!