DANIEL 6:18 - KITTA' MATANGKASA'

¹⁸ Le'baki anjo nisareimi se're batu lompo bawana anjo leanga; nasitempele'mi karaenga anjo batua siagang sitempele' karaeng kammayatompa sitempele'na sikamma tumalompoa, sa'genna tena manna sitau akkulle allappassangi Daniel battu ri anjo singa-singaya.

DANIEL 6:18 Referans Kwoze

DANIEL 2:1

Ri se'reang bangngi, ruan taung ammarentana Karaeng Nebukadnezar, asso'nami. Anjo so'nana sanna' napakalussa'na nyawana, sa'genna takkullea tinro napakamma.

ESTER 6:1

Anjo memang bangngia takkulleai attinro karaenga. Jari nasuro allemi kitta' catatang riwaya'na kakaraenganga nampa nasuro baca ri taua.

PAMMUJI 77:4

Punna kuu'rangi Allata'ala, akkunrarenga', punna kunawa-nawa, pila' la'bai pa'maikku.

PAPPICINI' 18:22

Sa'ra kacapia, sa'ra pakelonga, sa'ra sulinga, siagang sa'ra tarompeka, tena ngasemmo nakalangngerang lalang ri kau. Tena tommo lanubuntulu' tu cara'de' manna sitau anjoreng, kammayatompa tena tommo sa'ra batu pa'giling lakalangngerang.

KATO'BA 2:8

Appasse'rea' pera' siagang bulaeng, iamintu battua ri passarena sikamma karaeng bansa maraeng kuparentaya. Pakelong bura'ne siagang pakelong baine akkelong-kelongi untu' ampakasannangi nyawaku. Nia' baine piaraku sa'genna siapa kukaerokia.

PAMMUJI 137:2

Ri poko'-poko' kayu gandarusa ri anjo pa'rasanganga nagentung kacapinna ikambe.

AYUB 21:12

Nirurungang ri sa'ra rabana, suling, siagang kacapi, suaraki ke'nanga akkelong-kelong siagang a'joge'-joge'.

1 KARAENG-KARAENG 21:27

Le'baki Elia a'bicara, nakekke'mi pakeanna Ahab siagang ammakemi kaeng karung salaku pammatei ri sesse' lalanna, nampa appuasa. Manna ri wattunna tinro ammake tonji pakeang karung, siagang punna a'jappai tuli susana tanja'na.

2 SAMUEL 19:24

Kammayatompa Mefiboset cucunna Saul, battu tongi untu' anruppai karaenga. Tena nanabissai bangkenna, tena nanacukkuruki janggo'na, siagang tena nanasassai pakeanna baku'na nabokoi Karaeng Daud Yerusalem sa'genna ammotere' siagang salama'.

DANIEL 6:19

Nampa ammotere'mo karaenga ri balla' karaenga. Taerokai angnganre yareka nisaleori. Siagang sila'busu' bangngi takkullea attinro.

DANIEL 10:3

Lalang anjo sikammaya sallona tena nakungnganre kanre nyamang siagang dageng; tena kungnginung anggoro', siagang tena todong kujangkai uukku.

PIRAUNG 3:53

Napela' attallasaka' antama' ri bungung kalotoro' nampa natambungia' ke'nanga batu.