DANIEL 5:5 - KITTA' MATANGKASA'

⁵ Ti'ring nia'mo kacinikang lima tau annulisi' apa-apa ri rinring balla' karaenga, ri tampa' kaminang singaraka nataba singara' lampu, sa'genna karaenga akkullei nacini' baji'.

DANIEL 5:5 Referans Kwoze

DANIEL 4:31

Tenapa nakupuppusu' a'bicara nania'mo sa'ra kulangngere' battu ri langika, angkana, “He Karaeng Nebukadnezar, pilangngeri anne! Kakoasannu salaku karaeng niallemi battu ri kau.

KOLOSE 2:14

siagang tanjaria maki' natuntu' ri sura' pangnginranganta, sannaka battala'na mae ri katte. Lanri nasalli'namo anjo sura' pangnginranganga mae ri kayu sallika, taNarekenga ngasemmi Allata'ala anjo laNatuntuka mae ri katte.

AYUB 20:5

karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

DANIEL 5:15

Sikamma tau cara'deka siagang pacinika le'ba'mi nacoba ambacai anne tulisanga siagang ampauanga' battuanna. Mingka takkulleai ke'nanga.

DANIEL 5:8

Massing maju ngasemmi sikamma tau cara'deka, mingka manna sitau ri ke'nanga tania' akkulle ambacai anjo tulisanga siagang ampaui battuanna mae ri karaenga.

DANIEL 4:33

Anjo memang wattua, a'rupami anjo kana-kanaya. Inakke, Nebukadnezar nibongkama' battu ri pa'rappunganna rupataua siagang angnganrema' ruku' sangkamma sapi. Nibasaimi batangkalengku ri allung, uukku a'jari la'bui sangkamma bulu balangkoa', siagang kanukungku a'jari la'bui sangkamma cakkara'na jangang-janganga.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

DANIEL 5:4

Lalang angnginunna ke'nanga, mammuji-mujimi ke'nanga ri rewata-rewata nipareka battu ri bulaeng, pera', tambaga, kayu siagang batu.

DANIEL 5:6

A'jari pi'lasa'mi rupanna siagang lanri malla'na nannekkere'mo kulantu'na.

YEREMIA 50:43

Nalangngere'na anjo kabaraka, lammami nasa'ring karaeng Babel. Nibattuimi ri malla', siagang pa'risi'mi nasa'ring kamma baine eroka ammana'.