DANIEL 5:16 - KITTA' MATANGKASA'

¹⁶ Silalonna kulangngere' angkanaya ikau akkulleko assungkei sikontu rahasiaya siagang anreppeki apa-apa sukkaraka. Punna akkulleko ambacai anne tulisanga siagang ampauanga' battuanna, lakusareko pakeang kakaraengang iamintu juba cura' lame butung siagang rante bulaeng pannanrai kalompoang. Pantaranganna anjo lakuangkakko a'jari tukoasa makatallu lalang ri kakaraengangku.”

DANIEL 5:16 Referans Kwoze

DANIEL 5:7

Ammarrammi ansuro kioki sikamma pacinika, sanro cara'deka siagang tau cara'deka accini' bintoeng. Ri wattunna battu ke'nanga, nakanamo karaenga, “Inai-nai akkulle ambacai anjo tulisanga siagang ampauanga' battuanna, lakusarei pakeang kakaraengang iamintu juba cura' lame butung siagang rante bulaeng pannanrai kalompoang mae ri ia. Pantaranganna anjo lakuangka' tongi a'jari tukoasa makatallu lalang ri kakaraengangku.”

DANIEL 5:29

Naparentakammi linta' Belsyazar pagawena sollanna napipakei Daniel juba cura' lame butung siagang nipatabai rante bulaeng kallonna. Nampa naangka' a'jari tukoasa makatallu lalang ri kakaraenganna.

PA'JARIANG 40:8

Appialimi ke'nanga angkana, “Ri bangngia massing asso'nai ikambe. Nampa tena tau angngassengi apa battuanna.” Nakanamo Yusuf, “Allata'alaji bawang akkulle assarei taua pakkulle untu' ampakasingaraki battuanna so'naya. Cobasai bedeng carita anjo so'nanu.”

LAMPA-LAMPANA 8:18

Nacini'mi Simon angkanaya lanri naangka'na limanna anjo tunisuroNa Allata'ala irateanganna ngaseng anjo taua, nanisaremo anjo taua ngaseng RohNa Allata'ala. Jari angngerammi doe' Simon mae ri Petrus siagang Yohanes,

PA'JARIANG 41:15

Nakanamo karaenga mae ri ia, “Le'bakka' asso'na, namanna sitau tena akkulle ampakasingaraki apa battuanna. Nia' angkabarrangi ri nakke angkanaya akkulleko ampakasingaraki battuanna so'naya.”

DANIEL 2:6

Mingka punna nukulleji, lakusareko hadia ga'ga-ga'ga siagang kalompoang. Jari kamma-kamma anne pauamma' anjo so'naku siagang apa battuanna!”

DANIEL 2:48

Nampa nasaremo Daniel empoang tinggi, nasarei jai hadia-hadia ga'ga, siagang naangkaki a'jari guburnur ri Babel, kammayatompa napa'jari pamimping kaminang tinggi mae ri sikontu tumailalanga ri balla' karaenga.

DANIEL 6:2

Darius nabagei kakaraenganna a'jari 120 propinsi, massing-massing niparenta ri sitau guburnur.