DANIEL 4:8 - KITTA' MATANGKASA'

⁸ Kala'busanna battumi Daniel ia niarenga todong Beltsazar, sangkamma arenna rewatangku. Anjo Daniel nikoasai ri roh rewata-rewata matangkasa'. Kucarita tongi so'naku mae ri ia, kukana,

DANIEL 4:8 Referans Kwoze

DANIEL 1:7

Kapala ruma tanggana balla' karaenga nasambeimi arenna ke'nanga a'jari: Beltsazar, Sadrakh, Mesakh siagang Abednego.

DANIEL 5:14

Kulangngereki angkanaya nikoasaiko ri roh-roh matangkasa'na rewata-rewataya, siagang angkanaya nia' kacara'dekannu, pammahannu, siagang pangngassengang lomponu.

DANIEL 4:18

He Beltsazar, iaminjo so'naku. Kamma-kamma anne paumi ri nakke apa battuanna anjo so'naku. Tena manna sitau battu ri sikamma tau cara'de' niaka lalang kakaraengangku akkulle ampauanga' battuanna, mingka ikau akkulleko, nasaba' nikoasaiko ri rohna rewata-rewata matangkasaka.”

DANIEL 4:9

“He, Beltsazar, pamimpinna tau cara'deka, kuassengi angkanaya ikau nikoasaiko ri rohna rewata-rewata matangkasaka, sa'genna tena rahasia taccokko mae ri kau. Pilangngeri anne so'naku, siagang pakasingaraki battuanna.

DANIEL 2:11

Sukkara' dudui apa kikaerokia karaeng. Tena manna sitau akkulle anggaukangi pantaranganna sikamma rewataya, mingka tenai ke'nanga ammantang ri alla'na rupataua.”

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

YESAYA 63:11

Nampa angngu'rangimo ke'nanga ri rewasa' allaloa, ri jammanna Musa, atanNa Batara. Akkuta'nangi ke'nanga angkana, “Kemae Batara, anrurungangai sikamma pamimpinna umma'Na allalo ri tamparanga? Kemae Batara ampassareangai koasaNa mae ri ke'nanga?

YESAYA 46:1

Iaminne kale'bakkanna rewata-rewata Babel; riolo nisombai patung Bel, siagang Nebo, mingka kamma-kamma anne nipatekeki ri olo'-olo' a'jari erangang mae ri olo'-olo' posoa.

PA'JARIANG 41:38

Nampa nakanamo karaenga ri ke'nanga, “Tena olota lakkulle anggappa tau maraeng la'bi cocokangngang naanne Yusuf, lanri ia nipimpingi ri RohNa Allata'ala.”

DANIEL 2:26

Jari nakanamo karaenga ri Daniel iamintu niarenga todong Beltsazar, “Akkulleko ampauanga' angkana apa anjo so'naku siagang apa battuanna?”

DANIEL 3:14

Akkuta'nammi karaenga ri ke'nanga angkana, “He Sadrakh, Mesakh, siagang Abednego! Kammatojengi angkanaya taerokako anynyomba ri rewata-rewatangku siagang tena todong nuero' su'ju' mae ri anjo patung bulaeng le'baka kupaenteng?

YEHEZKIEL 17:23

Ri moncong kaminang tinggi ri Israel Kupatinting. Anjorengi laccu'la' siagang a'rappo nampa a'jari poko' camara sannaka porena. Sangka' rupa jangang-jangang la'ru'mung anjoreng siagang a'la'lang irawanganna.