DANIEL 4:27 - KITTA' MATANGKASA'

²⁷ Lanri kammana anjo, kupalaki nakipilangngeri anne pappakainga'na atanta. Tea' maki' dorakai pole karaeng, mingka gaukammi apa bajika siagang adeleka, kammayatompa kamaseangi tu kasi-asia. Lanri kammana anjo nalatulusu' mate'ne karaengku.”

DANIEL 4:27 Referans Kwoze

YUNUS 3:9

Barang ero'ji Allata'ala ampinrai ero'Na siagang tenamo Nalarro sa'genna tenamo ninjari panra'!”

LAMPA-LAMPANA 8:22

Lanri kammana, bokoimi anjo pikkirang ja'dala'nu, nampa nupala' ri Batara sollanna Napammopporangi anjo pikkirang ja'dala'nu.

LUKAS 11:41

Anjo bageang lalanganna mangko'nu siagang pirinnu, iaminjo musti nupassareang mae ri tu kasi-asia. Punna kammamo anjo batenu, ma'nassa la'jari tangkasa' ngasemmi ri kalennu.

EFESUS 4:28

Tau biasaya a'lukka' musti napammarimi a'lukkaka. Nampa musti anjamami sollanna nagappa pattallasanna siagang lambusu'; siagang nakkulle nutulung tau kakuranganga.

GALATIA 5:13

Le'ba' mako nikio' a'jari tau bebasa'. Mingka teako pake salai anjo kabebasannu, untu' anggaukang ero' kalennu. Passangalinna musti sikamaseangko siagang massing siparakaiko.

PANGNGEBARANG 16:6

Tau tenaya namminra nyawana mae ri Allata'ala lanipammopporangi; tau mappilangngeria lanipalili battu ri sikontu kaja'dallanga.

1 PETRUS 4:8

La'biangampa pole nayangasennaya, paralluko attojeng-tojeng massing sikamaseang; nasaba' punna massing sikamaseangko sadia tommako untu' sipammopporang.

MATIUS 3:8

Pappicinikammi rolong lalang ri panggaukannu, sollanna ma'nassamo angkanaya toba' tojeng mako battu ri gau' dosa-dosanu.

YEHEZKIEL 18:7

Tale'bakai annipu yareka angngella'. Barang-barang napappita'gallanga taua mae ri ia tuli napoterangi. Tau cipuruka nasarei kanre na tau tenaya bajunna nasarei baju.

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

1 KARAENG-KARAENG 21:29

“Le'ba'mi nucini' antekamma batena Ahab ampakatunai kalenna ri dallekangKu? Lanri kammana anjo, tena nalaKupabattu balaya ri tallasa'na ija. Ri wattu ana'napi nampa Kupabattu anjo balaya mae ri kaluargana.”

LAMPA-LAMPANA 26:20

Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.

PAMMUJI 119:46

Lakukabarrangi paratoranTa mae ri sikamma karaenga, na tena kulanipakasiri'.

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

2 KORINTUS 5:11

Naassemmi ikambe angkana apa battuanna nikanaya malla' mae ri Batara; iaminjo saba'na nausahamo ikambe ampakatappaki taua ri sesena kalenna ikambe. Baji' niassenna ikambe ri Allata'ala, naminasai sollanna nanuasseng todong ikambe lalang ri atinnu ngaseng.

LAMPA-LAMPANA 24:25

Mingka ri wattunna narapi' nabicara Paulus passala' kalambusanga siagang antahangi kacinnanga, kammayatompa passala' hukkungang labattua punna Allo Kiama', a'jari malla'mi Feliks. Jari nakanamo Feliks, “Kamma-kamma anne akkulle mako a'lampa. Lakusuro kio' jako antu pole punna nia' wattu.”

YO"EL 2:14

Barang ero'ji Karaeng Allata'alanu ampinrai ero'Na, na Nabarakkakiko alla'bi-la'bi. Sa'gennu akkulle ngaseng angngerang passare koro'bang anggoro' siagang gandung mae ri Batara, Allata'alanu.

PAOLE 24:13

mingka musti nupoterangi mae ri ia tunggala' bangngi sollanna akkulle napake untu' attinro. Jari lappala' tarima kasi anjo taua mae ri kau, siagang lamangngellai Karaeng Allata'alanu mae ri kau.

YEREMIA 29:7

Anjamako untu' kasalewanganna kota-kota nupammantangngia Kupela'. Appala' doangko mae ri nakke untu' kaparalluanna anjo kota-kotaya, nasaba' punna akkallumanynyangi anjo kotaya, ikau pole akkalumanynyang tongko.

YEREMIA 38:20

Appialima' angkana, “Tena! Tena nalanipassareangki' mae ri ke'nanga karaeng. Kupala' dudui mae ri katte sollanna kituruki pasanNa Batara; yangasenna sallang la'jappa bajiki, siagang tena kilanibuno karaeng.

PA'JARIANG 11:4

Nakanamo ke'nanga, “Umba kimbangung kota siagang se're menara ta'rapika coppo'na sa'genna ri langi', sollanna ki'jari masahoro' siagang tena kisisa'la'-sa'la ri sikontu linoa.”

PAOLE 8:17

Jari tea sikaliko appikkiriki angkanaya lanri usaha kalennu siagang kagassingang kalennu nukkulle a'jari kalumanynyang.

PAOLE 32:27

Mingka takkulleai tinggi pa'mai' musunna Israel, rapang nibetai bansaKu lanri ke'nanga,’ nasaba' iNakke bawang, iNakke bawang, anggaukangi anjo sikammaya.

PANGNGEBARANG 11:2

Tau borroa lanihinai; tau tuna pa'maika cara'deki.

YESAYA 10:13

Lompo bicarami karaeng Asyur, nakana, “Yangasenna anjo kugaukangi lanri kagassingang kalengku. Inakke cara'deka' siagang porea'. Kupelaki pa'baeng-baenna bansa-bansaya, kurampasaki parsadiaanna ke'nanga. Rapang tedong romang, kuonjo'-onjokangi sikamma tau ammarentaya.

YESAYA 47:8

Lanri kammana anjo pilangngeriA', he ikau nungaia angngondanga kasannangngang! Nukapangi angkana amangi katallassannu, siagang tena sangkammannu. Tanupikkirai angkana la'jari jandako, siagang talapanrakai turungannu.

YESAYA 47:10

Nukana kalennu amangko lalang ri kaja'dallannu, nupikkiriki angkana tena niparhatikangi panggaukannu. Nipa'linguko ri kacara'dekannu siagang pangngassengannu, nukapangi angkana tena sangkammannu.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

YEHEZKIEL 29:9

Mesir la'jari butta sino. Jari nuassemmi angkanaya iNakke Batara.” Nakana Batara, “He karaeng Mesir! Lanri nukanana angkanaya anjo Binanga Nil ikau pata, siagang angkanaya ikau ampareki,

AMOS 6:13

A'bicara kosongko angkanaya le'ba'mi nubeta Lodebar. A'bicara tongko angkana, “Nia' kagassinganna ikambe untu' angngallei Karnaim.”

HABAKUK 1:11

Nampa linta' kamma anging a'lampa ngaseng anjo tau ampare' rewatayai kagassingang kalenna.”

ZEFANYA 2:15

Iaminjo lakajarianga mae ri anjo kota ma'reja-rejaya siagang nakanaya kalenna amang siagang sannang. Pandudu'na nakapangi angkanaya anjo kotana ke'nanga kaminang lompo ri linoa. Teai sipato' sinona anjo daeraya, tena sikali bonena pantaranganna olo'-olo' ri romang a'ru'munga anjoreng! Sikamma tau niaka allalo anjoreng ri kotaya la'jari ta'bangka kabusuki siagang la'jari mallaki nakasia'.