DANIEL 4:21 - KITTA' MATANGKASA'

²¹ Leko'-leko'na coppongi siagang rapponna roasaki sa'genna angganna' untu' assarei kanre sikontu bonena linoa. Sikamma olo'-olo' liaraka anra'bai irawa ri la'lanna, siagang jangang-janganga a'ru'mungi ri tangke-tangkenna.

DANIEL 4:21 Referans Kwoze

YEHEZKIEL 31:6

Sangka' rupa jangang-jangang a'ru'mung ri tangkenna. Olo'-olo' liaraka ammana' irawa ri la'lanna. Sikontu bansa lompoa ri lino ammempo a'la'lang irawanganna.

DANIEL 2:38

Nipa'jariki' karaeng tukoasa mae ri lino niaka pandudu'na kammayatompa jangang-janganga siagang olo'-olo' maraengannaya. Kalentami karaeng natabaya pangngebarranna anjo ulu bulaenna anjo patunga.

DANIEL 4:11

Anjo poko' kayua sanna' tinggina; batanna lompoi na kassa'. Coppo'na sa'gennai langika, sa'genna akkullei nicini' ri sikontu niaka ri buttaya.

DANIEL 4:20

Anjo poko' kayu sannaka lompona kicini', sa'genna coppo'na narapiki langika, siagang akkullei nicini' ri sikontu tau niaka ri buttaya.

DANIEL 4:22

O karaengku, karaengkumi nataba pangngebarranna anjo poko' kayu tinggia siagang kassaka. Katambangi kalompoanna karaengku sa'genna narapi' rapang coppo'na langika, siagang kakoasanta a'la'baki sa'genna cappa'na buttaya.

PAMMUJI 104:17

Anjoremmi a'ru'mung jangang-janganga, jangang-jangang ranggung a'ru'mung ri coppo'na.

YEHEZKIEL 17:23

Ri moncong kaminang tinggi ri Israel Kupatinting. Anjorengi laccu'la' siagang a'rappo nampa a'jari poko' camara sannaka porena. Sangka' rupa jangang-jangang la'ru'mung anjoreng siagang a'la'lang irawanganna.

LUKAS 13:19

Lakammaminne pangngebaranna: Nia' silisere' parekang lamungang sannaka ca'dina lisere'na naalle taua nampa nalamung ri kokonna. Nampa attimbo anjo lamunganga, a'jari poko' kayu lompo. Battumi jangang-janganga appare' ru'mung ri tangke-tangkenna.”