DANIEL 4:14 - KITTA' MATANGKASA'

¹⁴ Assa'ra lompomi angkana, ‘Ta'bangi anjo poko' kayua siagang polongi tangke-tangkenna, tu'gurangi leko'-leko'na siagang pasiaraki rapponna. Bongkai olo'-olo' niaka anra'ba irawanganna siagang jangang-jangang niaka a'ru'mung ri tangke-tangkenna.

DANIEL 4:14 Referans Kwoze

MATIUS 3:10

Sadiami pangkulu' lanipata'banga ri poko' kayua sa'genna ri aka'-aka'na. Sikamma poko' kayu tenaya nabaji' rapponna lanita'bangi nampa nipela' antama' ri pepeka.

DANIEL 4:23

Nia' kicini' karaeng se're malaeka' naung battu ri suruga na nakana, ‘Ta'bangi anne poko' kayua siagang panraki, mingka lappassangi tonasa'na ammantang lalang ri buttaya. Sikkoki siagang rante bassi na tambaga, nampa boliki ri parang rukuka. Lappassangi nibasai ri allung, siagang attallasa' siagang olo'-oloka lalang tuju taung.’

LUKAS 3:9

Sadiami pangkuluka untu' lanipake anta'bangi poko' kayua sa'genna ri aka'-aka'na. Sikamma poko' kayu tenaya na'rappo baji', lanita'bangi nampa nipela' antama' ri pepeka.”

MATIUS 7:19

Nasikamma poko' tenaya nabaji' rapponna lanita'bangi nampa nitunu.

DANIEL 4:12

Leko'-leko'na sanna' copponna, siagang teai sipato' roasa'na rapponna, akkullei angganna' nikanre ri bonena sikontu linoa. Olo'-olo' liaraka anra'bai irawa ri la'lanna kammayatompa jangang-janganga a'ru'mungi ri tangke-tangkenna. Na sikontu apa-apa attallasaka akkullei nakanre rapponna.

DANIEL 3:4

akkio' lompomi pambantuna karaenga angkana, “Sikamma sari'battang battua ri sikontu bansaya, suku bansaya siagang bahasaya! Pilangngeri anne parentana karaenga:

PAPPICINI' 18:2

Akkio' lompomi angkana, “Tu'guru'mi anjo bainea! Tu'guru'mi Babel lompoa! Kamma-kamma anne anjarimi tampa' pammantanganna setang-setanga siagang roh-roh ja'dalaka. Lalammi ammantang sangka' rupaya jangang-jangang rantasa' siagang nakabirisia taua.

PAPPICINI' 10:3

Nampa akkio' sangkamma singa ammarrang lompoa. Le'ba'na akkio' anjo malaekaka, appialimi anjo tujua gunturu' sangkamma sa'ra ammarrunga.

DANIEL 5:20

Mingka ri wattunna a'jari tampo, kapala batu siagang palla', nigulummi battu ri kakaraenganna sa'genna tappela'mo kala'biranna.

YEREMIA 51:9

Tau annompanga ammantang anjoreng massing nakanamo para ia, ‘Niusahaimi antulungi Babel, mingka tala'mi! Bajikangngang nibokoimi anne pa'rasanganga nakimassing ammotere' mange ri pa'rasanganta. Nahukkummi Batara Babel siagang hukkungang lompo, naancuru' taba sikalimi.’ ”

YEREMIA 51:6

Pasalamaki kalennu! Lariko battu ri Babel, gassingka amminawang tongko nibuno lanri dosana ke'nanga! Nasaba' iaminne wattunna laKubalasa' kaja'dallanna Babel, siagang laKuhukkung situru' panggaukanna.

AYUB 24:20

Amma' kalenna angkaluppai, na nikanre tubuna ri gallang-gallang. Talaniitungami pole arenna; nipanraki sanrapang poko' tumbang.

YEHEZKIEL 31:10

Lanri kammana anjo, iNakke, Batara Kaminang Tinggia, Kupauangko apa lakajarianga mae ri anjo poko' kayu anrapika coppo'na nai' ri rammanga. Nasaba' pila' tinggi pila' tampoi.

YEREMIA 27:5

“Lanri koasa malompoKu siagang lanri kagassingangKu nale'ba' Kupa'jari linoa siagang rupataua kammayatompa sikontu olo'-oloka, nampa akkulle Kupassareang mae ri inai-nai mamo Kukaerokia.

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

DANIEL 4:29

Sampulo anrua bulang ribokoanganna, ri wattungku a'jappa-jappa lalang ri koko balla' lompoku bageang iratea, ri Babel,

DANIEL 5:21

Nibongkai battu ri pa'rappunganna rupataua siagang akkala'na a'jari sangkammai akkala' olo'-olo'. Attallasaki siagang keledai romanga, angnganrei ruku' sangkamma sapi siagang attinroi ri parang tassungkea sa'genna nibasai ri allung. Kala'busanna namangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga Napassareangi mae ri inai-nai Napilea.