DANIEL 3:29 - KITTA' MATANGKASA'

²⁹ Lanri kammana anjo kuparentakangi angkanaya sikamma tau battua ri bansa-bansaya, ri suku bansaya yareka bahasaya, ia le'baka appasulu' kana-kana anghinai Allata'ala nasombaya Sadrakh, Mesakh siagang Abednego, lanikere'-kereki siagang lanirumbangi balla'na a'jari tambungang loro. Nasaba' tena rewata akkulle anggaukangi anjo apa le'baka Nagaukang Allata'ala.”

DANIEL 3:29 Referans Kwoze

DANIEL 2:5

Appialimi karaenga angkana, “Le'baki kutappuki kamma anne: Musti nupauanga' angkanaya apa anjo so'naku kammayatompa musti nupauang tonga' angkana apa battuanna. Punna tanukullea, lanikere'-kere' kabusukko kammayatompa balla'nu lanirumbang tongi.

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

PAOLE 32:31

Naassengi musunna Israel angkanaya lammai pajagana ke'nanga, tena nasangkamma Allata'alana Israel hebaka.

DANIEL 3:28

Nampa nakanamo karaenga, “Pujimi Allata'ala nasombaya Sadrakh, Mesakh siagang Abednego. Iami le'ba' assuroi malaeka'Na untu' ampasalamaki tallua atanNa matappaka mae ri Ia. Le'baki nadakkai ke'nanga parentaku siagang erokangngangi matea ke'nanga kala anynyombaya yareka appakalompo ri rewata maraeng, pantaranganna Allata'alana todong ke'nanga.

DANIEL 3:17

Punna akkulle Allata'ala nasombaya ikambe ampasalamaki ikambe battu ri anjo pepe' a'rinra-rinraya siagang battu ri kakoasanna karaengku, mattantu Nagaukangi.

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

PAMMUJI 3:8

Kipasalamaka', o Batara Allata'alaku, hukkungi naKipesoki sikontu balingku.

EZRA 6:11

Kuparentakangko sollanna punna nia' andakkai anne parentaku, bi'buki sipappa' benteng balla'na nampa nuciduki cappa'na nampa nupacoka ri kalenna anjo taua sa'genna tarrusu'. Musti nibongkaraki balla'na nampa nipa'jari tampa' loro.

2 KARAENG-KARAENG 10:27

Niancuru'mi anjo patunga siagang balla' panynyombanga, nampa nipare' anjo tampaka a'jari pammelakkang je'ne' sa'genna kamma-kamma anne.

DANIEL 1:7

Kapala ruma tanggana balla' karaenga nasambeimi arenna ke'nanga a'jari: Beltsazar, Sadrakh, Mesakh siagang Abednego.

DANIEL 1:19

Le'baki naagang karaenga a'bicara ke'nanga, naassemmi karaenga angkanaya Daniel, Hananya, Misael siagang Azarya, la'bi cara'dekangngangi lalang a'rupa-rupa passala' naanjo turungka maraengannaya. Jari appakkaramulami ke'nanga tugasa' lalang ri balla' karaenga.

DANIEL 2:17

Niturukiammi pappala'na; nampa ammotere'mo Daniel ri balla' siagang napau ngasemmi anjo passalaka mae ri Hananya, Misael siagang pole Azarya.

DANIEL 2:47

Nakana karaenga ri ia, “Tojeng, Daniel, anjo Allata'alanu kaminang malompo ri alla'na sikontu rewataya. Iami makoasa mae ri sikontu karaenga, siagang assungkeai sikontu rahasiaya. Kuassengi anjo passalaka nasaba' ikau akkulleko ampakasingaraki anne rahasiaya.”

DANIEL 2:49

Mingka lanri pappala'na Daniel, napassareammi karaenga anjo pamarentahang propinsi Babel mae ri Sadrakh, Mesakh siagang Abednego, nampa kalenna Daniel ammantangi ri balla' karaenga.

DANIEL 3:12

Mingka nia' siapa are tu Yahudi le'baka kisare pamarentahang ri propinsi Babel ambawang-bawangngangi anjo parentata karaeng. Anjo ke'nanga iamintu Sadrakh, Mesakh siagang Abednego. Anjo ke'nanga taerokai anynyomba ri rewata-rewatanta karaeng, siagang tena todong naero' anynyomba ri anjo patung bulaeng le'baka kipaenteng karaeng.”

DANIEL 6:28

Ia mappasalama' siagang appakabebasa', anggaukangi gau' malompoa siagang appakalannasaka ri langika kammayatompa ri buttaya. Le'baki Napasalama' Daniel, battu ri bawa angngokko'na singa-singaya.”