DANIEL 2:40 - KITTA' MATANGKASA'

⁴⁰ Nampa lammumba pole kakaraengang makaappa', kammaya bassi kassa'na. Na antekamma batena bassia allica' siagang angngancuru' apa-apa mamo, kammatommi anjo rapanna anne kakaraengang makaappaka lanalicaki siagang lanaancuruki anjo kakaraengang-kakaraengang maraenga.

DANIEL 2:40 Referans Kwoze

DANIEL 7:7

Lalang kuparhatikanna anjo, nia'mo ammumba olo'-olo' makaappa'. Sanna' kassa'na siagang heba'na, kammayatompa appakamalla'-mallaki nicini'. Gigi-giginna lompoi siagang kassaki kamma bassi; iaminjo napake angkokkoki siagang allicaki apa-apaya, nampa naonjo'-onjokang sesanna. Sisalai siagang anjo olo'-olo' rioloangannaya, nasaba' ia sampuloi tanru'na.

YOHANES 11:48

Punna nipa'laloangi tuli appakamma anjo, kale'bakkanna latappa' ngasengi taua ri Ia. Na kale'bakkanna labattumi pamarenta Roma angngancu'-ancuruki Balla'Na Batara siagang sikontu bansata!”

AMOS 1:3

Nakana Batara, “Pandudu'na Damsyik a'mole-molemi doraka, lanri kammana anjo ma'nassa laKuhukkungi ke'nanga. Sanna' palla'na panggaukanna ke'nanga mae ri tu Gilead,

DANIEL 9:26

Ri kala'busanna anjo jammanga lanibunoi pamimping Napilea Allata'ala, padahala' tena salana. Nampa battumo tantarana sitau karaeng kassaka, na naancuru' kota Yerusalem siagang Balla'Na Batara. Anjo kala'busang jammanga labattui rapang a'ba angngeranga pa'bundukang siagang kaancurang, situru' le'baka Napattantu Allata'ala.

DANIEL 8:24

La'jari kassa' sikali, mingka teai lanri kakassakang kalenna. Lappabattui kapanrakang appakamalla'-mallaka, siagang manna pole apa nagaukang anjari kabusuki pattujunna. Lanapanraki sikamma tau porea siagang umma'Na Allata'ala.

DANIEL 2:33

bongganna battu ri bassi nampa bangkenna bassi sipa'gang na sipa'gang pole battu ri butta pi'.

YEREMIA 15:12

Tena manna sitau akkulle antepoki bassia, la'biangampa bassia battu waraka ia le'baka nibengkoro' siagang tambaga.)

AYUB 9:17

Nalicaka' lalang ri anging puttusu', na Natambai pa'risikku natena passabakkanna.

DANIEL 2:39

Mingka punna le'ba'mo kakaraenganta, nia'mo lammumba kakaraengang maraeng, tenaya nasallompo kakaraenganta. Nampa ammumba pole kakaraengang makatallua, nipangngebarranga lalang ri anjo tambagaya ri patunga, lakoasaya mae ri sikontu linoa.

DANIEL 2:41

Anjo bangkenga siagang karemeng bangkeng a'bengkoroka bassi siagang butta pi' ri anjo patunga, iaminjo pangngebarranna angkanaya anjo kakaraenganga lata'bage-bagei ri allo ri boko. Anjo kakaraenganga nia' todong kagassinganna lanri anjo butta pika nibengkoroki bassi.