DANIEL 2:35 - KITTA' MATANGKASA'

³⁵ Rumbang silalonnami anjo patunga nampa a'jari tambungang bassi, butta pi', tambaga, pera', siagang bulaeng; ancuru' taba sikalimi anjo patunga sangkamma limbu'bu' niaka ri tampa' pa'lessorang gandunga punna wattu timoro'. Anri'ba'-ri'ba'mi anjo timbunganga niiri' ri anging, sa'genna tena sikalimo bate-batena manna sike'de'. Mingka anjo batu anrumbangai anjo patunga a'jari pila' lompomi sangkamma moncong lompona na napirassi sikontu buttaya.

DANIEL 2:35 Referans Kwoze

PAMMUJI 37:10

Tau ja'dalaka lanipa'lanynyaki linta', taenami, punna niboyai.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

HOSEA 13:3

Lanri kammana anjo lalanynya' kabusuki anjo taua rapang allung yareka saliuka ri wattu bari'basa'na alloa. Lasanrapangi ke'nanga limbu'bu' niri'bakang ri anging ri panggilingang gandunga, siagang sanrapang umbu assuluka battu ri rateanna pattunuanga.

YESAYA 11:9

Ri Sion, Bulu'Na Allata'ala Matangkasaka, tena tau ja'dala' yareka ammanraki. Rassi pa'rasanganga siagang pangngassengang ri Allata'ala, rapang je'ne' ampirassi tamparanga.

PAPPICINI' 12:8

Mingka nibetami anjo nagaya. Tenamo nanipa'biangi ammantang ri suruga siagang malaeka'-malaeka'na.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

1 KORINTUS 15:25

Musti ammarenta tuli Almasi sa'genna nipasomba ngaseng ri Allata'ala sikontu musunNa Almasi ri dallekanNa Almasi.

MIKHA 4:13

Nakana Batara, “He pandudu'na Yerusalem, a'lampamako mange angngonjo'-onjokangi musunnu! LaKupakagassingko rapang sapi attanru' bassia siagang akkanuku tambagaya. Lanuancuruki jaia bansa, siagang kakalumanynyangngang wassele' narampasaka ke'nanga lanupassareangi mae ri Nakke, Batarana sikontu linoa.”

PAMMUJI 103:16

lanynya'mi punna niiri' ri anging, manna tampa'na tena tommo naniassengi.

PAMMUJI 86:9

Sikontu bansa Kipa'jaria labattu ngasengi, o, Batara, untu' anynyomba mae ri Katte siagang mammuji ri kalompoanTa.

PAMMUJI 66:4

Sikontu linoa su'juki anynyomba ri Katte, akkelongi ke'nanga ampuji arenTa.”

PAMMUJI 46:9

Umba, ciniki apa le'baka Nagaukang Batara; tamaka lompona bate pare'Na ri lino!

PAMMUJI 37:36

Wattu allaloku pole, tenami kucini', kuboyai, mingka tenami kugappa.

PAMMUJI 22:27

Tu kasi-asia langnganrei sa'genna bassoro'; tau battua mae ri Batara lamammuji ri Ia. Poro salewangang ngasengko sa'genna satunggu-tungguna!

AYUB 6:17

Silalonna punna battu timoroka, tappela'mi anjo eska siagang je'ne' a'batua na tena batena. Kalotoro'mi dapara'na binangaya, tena je'ne'na na kalotoro' taba sikali.

YESAYA 8:9

Annekkere' mako nu'rappungang, he sikontu bansaya! Pilangngeri he sikamma cappa'-cappa' buttaya! Sadiako untu' a'bundu', mingka siagang pa'mai' annekkereka! Iyo, sadia-sadiako, mingka lalang malla'nu!

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

ZAKHARIA 12:3

Mingka punna ta'rapi'mo anjo alloa, laKupa'jari Yerusalem sanrapang batu battalaka; manna pole bansa battu kemae ancobai angngangkaki langgappai bala. Sikontu bansaya ri lino lanapa'jari se'rei kalenna untu' ambunduki Yerusalem.