DANIEL 2:20 - KITTA' MATANGKASA'

²⁰ nakana, “Anjo Allata'ala cara'deki na pore, nipujimi arenNa satunggu-tungguna!

DANIEL 2:20 Referans Kwoze

PAMMUJI 113:2

ArenNa lanipa'la'bangi, anne kamma na satunggu-tungguna.

PAPPICINI' 5:12

Siagang sa'ra lompo, nakana, “Anjo Ana' Gimbala' le'baka nisamballe, siratangi annarima koasa, kakalumanynyangang, kacara'dekang siagang kagassingang; siratangi nipakalompo, nipakala'biri' siagang nipuji-puji!”

YEREMIA 32:19

Hebaki rancana-rancanaTa, siagang appakalannasaki sikontu panggaukanTa; Kiciniki sikontu apa nagaukanga rupataua, siagang Kibalasaki ke'nanga situru' panggaukanna ke'nanga.

PAMMUJI 147:5

Tamaka lompona siagang heba'Na Batarata, kacara'dekanNa tenanjorenganna.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,

PANGNGEBARANG 8:14

Inakkemi assare pikkirang. Na inakke todong ampa'rupai. Inakke cara'de' na kugassing todong pole.

PAMMUJI 115:18

Mingka ikatte attallasaka appala' sukkurukki' mae ri Ia, anne kamma siagang satunggu-tungguna. Pujimi Batara!

1 KARAENG-KARAENG 8:56

“Nipujimi Batara ia assareai kaamangngang umma'Na sangkamma le'baka Napa'janjiang tete ri Musa atanNa. Sikontu apa-apa baji' le'baka Napa'janjiang le'ba'mi Narupai.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

PAMMUJI 62:11

Teako manrannuangngi ri wassele' apa nipaccoka ri paranta tau, teako pattoangi barang nialle passaya. Ba'lalo punna katambang kakalumanynyangngannu, teako a'dakkiki nyawanu mae ri anjo.

PAMMUJI 50:23

Tau assarea koro'bang sukkuru' salaku koro'banna, iami ampakalompoA', siagang mae ri tau appasadiaya oloang laKupicinikiangi kasalamakkang battua ri Nakke.”

PAMMUJI 41:13

Kitulunga' lanri kalambusangku, siagang Kipa'jaria' attallasa' siagang iKatte sa'genna satunggu-tungguna.

2 PATTOTTORANG 20:21

Le'baki sipa'bicara siagang ra'yaka, nasuromi karaenga ampakei pakeanna sikamma pakelonga, iamintu pakeang biasaya napake ke'nanga ri upacara-upacara matangkasaka lalang ri agamaya. Anjo pakelonga musti a'barrisiki ri dallekanna barisanna tantaraya nampa akkelong suara' angkana, “Puji Batara! Mangngamaseangi satunggu-tungguna!”

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

PAMMUJI 113:1

Pujimi Batara! He ata-atanNa Batara, pujimi arenNa Batara!

YEHEZKIEL 28:3

Nukapangi kalennu la'bi cara'dekangngangko na Danel, sa'genna tena rahasia kacokkoang mae ri kau.

NEHEMIA 9:5

Passambayanganga anjo alloa napakaramulai tu Lewi, iamintu: Yesua, Kadmiel, Bani, Hasabneya, Serebya, Hodia, Sebanya, siagang Petahya. Nakana ke'nanga, “Ammentengko nampa nipuji Karaeng Allata'alata! Mammujiko mae ri Ia sa'genna satunggu-tungguna! Nipujimi arenNa sukkuka ri kala'birang, hebaki arenNa, la'biangngangi nasikontu pammujia!”