DANIEL 11:30 - KITTA' MATANGKASA'

³⁰ Nasaba' tu Roma siagang kappala'-kappala'na laniaki battu ri Siprus; lanibunduki ri ke'nanga sa'genna a'jari sanna'mi malla'na. Nampa lammotere'mo larro sikali siagang ero'mi naancuru' agamana umma'Na Allata'ala. Lanapilangngeri pappitangara'na tau a'bokoamo battu ri anjo agamaya.

DANIEL 11:30 Referans Kwoze

PA'JARIANG 10:4

Sossoranna Yawan iami a'jari pandudu' ri Elisa, Spanyol, Siprus, siagang Rodes.

PAMMILANGNGANG 24:24

Mingka lania' pasukang battu ri Siprus, lanabetai tu Asyur siagang Heber, nampa laancuru' todong anjo pasukanga.”

DANIEL 11:28

Nampa anjo karaeng pa'rasangang waraka lammotereki mange ri pa'rasanganna angngerang barang-barang nirampasa' nagappaya. Napattantumi ri nyawana ero' angngancuruki agama napinawanga umma'Na Allata'ala. Lappaero'-eroki appanggaukang nampa ammotere' mange ri pa'rasanganna.

YEREMIA 2:10

Jappai biring lau'na Siprus, kiringi taua anrai' ri pa'rasangang Kedar, paressa bajiki anjoreng, maka nia' kajariang kammaya?

YESAYA 23:12

Nakana Batara, “He, kota Sidon! Tenamo nulassannang-sannang pole. Nijallakkammi pandudu'nu. Manna pole nalari ke'nanga mange annompang ri Siprus, tena todong nalaamang ke'nanga.” (

YESAYA 23:1

Iaminne pappasang ri passala'na Tirus. He, sikamma pakappalaka ri Tarsis ansombaliai tamparang lompoa, appiraung mako! Ri wattunnu assombala' ammotere' battu ri Siprus, lanipauang mako angkanaya ancuru'mi Tirus. Pa'labuannu siagang sikamma balla'nu a'jari rumbangang ngasemmi.

PAPPICINI' 12:12

Lanri kammana, parallui ma'rannu-rannu surugaya siagang sikontu tau niaka ammantang lalang! Mingka cilakami buttaya siagang tamparanga, nasaba' naummi Billisika mae ri kau sanna' larrona, lanri naassenna angkana sinampe' mami wattunna.”

MATIUS 24:10

Na anjo wattua jai tau lammono'boko; jai lanynyaleweng, siagang lasikabirisi massing para ia.

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

YEHEZKIEL 27:6

Sikamma pa'bisenu, kayu-kayu lompo battu ri Basan nipare'. Dapara'nu kayu camara nipare', battu ri pulo Siprus kabattuanna, belo-belona battu ri gading ka'jalaka anggaranna.

NEHEMIA 6:12

Le'baki kupikki'-pikkiri' anjo passalaka, angngu'rangima' angkana anjo pakkio'na Semaya teai pakkio' battu ri Allata'ala, passangalinna battu ri Tobia siagang Sanbalat. Le'ba'mi nagaji ke'nanga Semaya untu' ampabattui anjo kabaraka mae ri nakke.

1 PATTOTTORANG 1:7

Turungang battua ri Yawan iamintu: Tu Elisa, Spanyol, Siprus siagang Rodes.

DANIEL 11:29

Siapa are wattu ribokoanganna lanabundukimi pole pa'rasangang timboroka, mingka kale'bakkanna tena nasangkamma rioloa.