DANIEL 11:26 - KITTA' MATANGKASA'

²⁶ Sikamma tumailalang kaminang a'reppeseka ri ia lantu'gurangi. Jai tantarana lanibuno, siagang lanibarrasaki sa'genna tangkasa' tantarana.

DANIEL 11:26 Referans Kwoze

DANIEL 11:10

Nampa ana'-ana' bura'nena anjo karaeng niaka ri pa'rasangang wara' lasadia-sadiai untu' a'bundu'; appasadiami tantara jai. Kalase'renna battu ri ke'nanga lamaju rapang a'ba. Lalang a'bakka makapinruanna nabunduki pattahanganna musua.

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

MARKUS 14:20

Appialimi Isa Nakana, “Inai-nai kalase'rennu anne sampuloa anrua angngagangA' a'julu piring angnganre iaminjo taunna.

MATIUS 26:23

Appialimi Isa Nakana, “Ia Kuaganga appada appanaung roti ri mangkoka, iaminjo eroka ambalukangA'.

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

DANIEL 11:22

Sikontu tantara angngewaya ri ia, ba'lalo manna pole Imang Lompoa lanabarrasa' kabusuki sa'genna putta.

PAMMUJI 41:9

Nakana ke'nanga, “Teai sipato' sanna'na garrinna, tena olona lakkulle ambangung poleang.”

2 KARAENG-KARAENG 8:14

Ri wattunna ammotere' Hazael mange ri balla'na karaenga, akkuta'nammi Benhadad angkana, “Apa nakana Elisa?” Appialimi Hazael angkana, “Nakana mattantu lammolleta ri garrinta karaeng.”