DANIEL 10:8 - KITTA' MATANGKASA'

⁸ Nabokoia' anjoreng kale-kalengku, amparhatikangi anjo paccini' appata'bangkaya. Tenamo kusa'ring kagassingangku siagang pi'lasa' sikalimi rupangku.

DANIEL 10:8 Referans Kwoze

DANIEL 7:28

Sikammami anne carita kupabattua. Sanna' lussakku sa'genna pi'lasa' tanjakku, mingka tena manna sitau kupauang anne passalaka ngaseng.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

DANIEL 8:27

Nampa a'jari lammamo kusa'ring pakkasiakku, sa'gengku tu'guru' garring pirangallo are. Le'baki anjo ambangumma' nampa kugaukang ammotere' sikamma tugasakku untu' karaenga. Mingka lussakka' annawa-nawai anjo sikamma apa kucinika na tena nakkulle kupahang battuanna.

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.

MARKUS 9:6

Sikontutojenna tanaassengai Petrus angkana apa anjo ero' napau, nasaba' malla'na ngaseng ke'nanga.

MATIUS 17:6

Nalangngere'na ana'-ana' gurunNa Isa anjo sa'raya, teaimi sipato' malla'na ngaseng, sa'genna tassu'ju'mi ke'nanga naung ri buttaya.

2 KORINTUS 12:7

Mingka sollanna tena nakua'jari tampo dudu lanri ri anjo pappicini' lompoa, le'baka kucini', nisarema' sirupa garring antama' ri kalengku. Anjo garringa akkullei napake Billisika. Nisarea' anjo garringa a'jari pa'ba'bala' ri kalengku, sollanna tena nakua'jari tampo.

DANIEL 8:7

Kuparhatikangi nabakkai anjo gimbala' lakia. Antekamma sekke'na sa'genna nalappo anjo gimbala' lakia siagang natepo' rua-rua tanru'na. Tena sikali kagassinganna anjo gimbala' lakia untu' angngewa. Tassambilai naung ri buttaya nampa nionjo'-onjokang, na manna sitau tania' akkulle antulungi.

PA'JARIANG 32:31

Ri wattunna ammumbamo alloa, nabokoimi Yakub Pniel, siagang akkeppammi lanri tassalai poko' bongganna.

YOHANES 16:32

U'rangi! Angkanaya lanarapiki sallang wattunna, ba'lalo narapi'mi wattunna, nulanipasisa'la'-sa'la'. Massing lammoterekko mange ri balla'nu, nanubokoiA' Kale-kalengKu. Mingka tena nalaKale-kalengKu mamo, nasaba' niaki Manggea anrurungangA'.

KALAPPASSANG 3:3

Nakanamo pikkiranna Musa, “Heba'na! Tena nakkanre anjo rompoka. Erokka' ambani-bani mange anciniki.”

DANIEL 10:16

Nampa anjo malaeka' a'rupataua napajonjoi limanna na nasero muncengku. Kukanamo ri ia, “O karaeng, anne paccinika nasessa sikalia' sa'genna tena sikalimo kagassingangku kusa'ring.

DANIEL 10:17

Sanrapanga' ata ammentenga ri dallekanna karaenna. Antekamma bateku la'bicara mae ri katte? Tenamo kagassingangku siagang kusawala'mi a'maika.”