DANIEL 10:20 - KITTA' MATANGKASA'

^20-21 Nampa appialimi angkana, “Nuassengi angkana apa saba'na kubattu mae ri kau? Iamintu untu' ampauangko apa tattulisika lalang ri Kitta' Katojenganga. Kamma-kamma anne musti ammoterekka' mange a'bundu' siagang malaeka' pajagana Persia. Le'baki anjo labattui malaeka' pajagana Yunani. Tena lantulunga' pantaranganna malaeka' Mikhael, iamintu malaeka' pajagana Israel, bansanu.

DANIEL 10:20 Referans Kwoze

DANIEL 8:21

Anjo bembe lakia, iami pangngebarranna kakaraengang Yunani, siagang anjo tanru' assuluka ri alla'na ruaya matanna, iamintu karaenna makase'rea.

DANIEL 10:13

Malaeka' pajagana kakaraengang Persia naewa' nia' ruampulo asse're allonna. Nampa Mikhael, kalase'renna pamimping malaekaka, battu antulunga'. Kubokoimi anjoreng, ri Persia.

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

DANIEL 7:6

Ri wattunna kuparhatikang, nia'mo olo'-olo' maraeng ammumba. Tanja'na sangkammai macang, mingka ri dongko'na nia' appa' ka'nyi' jangang-jangang, siagang appaki ulunna. Kammai nicini' apa nipangngaliki.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

EZRA 4:4

Nampa appakkaramulamo anjo pandudu' salloamo ammantang ri anjo pa'rasanganga ampakalammai sumanga'na tu Yahudia, siagang nagaratta'mi ke'nanga sollanna napammari ke'nanga anjo pambangunanga.