DANIEL 10:19 - KITTA' MATANGKASA'

¹⁹ Nakanamo, “Nakamaseangko Allata'ala; lanri kammana anjo tea' mako lussakki yareka tea' mako mallakki, gassingi kalennu!” Lalang napauna anjo kammaya, pila' gassimmi kusa'ring kalengku, nampa kukanamo, “A'bicara maki', karaeng. Kitambaimi kagassingangku kusa'ring.”

DANIEL 10:19 Referans Kwoze

YESAYA 35:4

Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

HAKING-HAKING 6:23

Mingka angkanami Batara mae ri ia, “Pakasannangi nyawanu! Teako mallaki. Tena nulamate.”

DANIEL 9:23

Ri wattunnu appakkaramula appala' mae ri Allata'ala, appialimi. Battua' anne ampabattuangko lanri Nakamaseangko Allata'ala. Jari pilangngerimi baji'-baji' nakupakasingara' battuanna anjo apa nucinika.

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.

2 KORINTUS 12:9

Mingka appialimi Batara angkana, “MangngarimangngiA' mae ri kau, naganna'mo anjo mae ri kau; nasaba' punna lammai nukasia' kalennu, iaminjo wattua napila' magassing koasaKu.” Lanri kammanami anjo nakula'bi sannang angkalompoang pa'maiki apa-apa kukalammanga; nasaba' punna lammai kusa'ring kalengku, iaminjo wattua nakukasia' pannulunNa siagang kakoasanNa Almasi mae ri nakke.

YOHANES 14:27

Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.

2 TIMOTIUS 2:1

Anakku Timotius! Paralluko a'jari majarre' lanri pangngamaseang malammoro' nipassareanga mae ri katte, lanri asse'reta siagang Isa Almasi.

YOHANES 19:26

Nacini'Na Isa amma'Na siagang anjo ana' gurunNa Nakamaseanga ammenteng anjoreng, Nakanamo ri amma'Na, “Amma', anjo mae anatta.”

YOHANES 21:20

Ri wattunna assaile Petrus, nacini'mi anjo ana' guru Nakamaseanga Isa nia' ri bokona. (Iaminne anjo ana' guru a'reppeseka ri Isa ri wattunna angnganre bangngi ke'nanga siagang akkuta'nanga ri Isa angkana, “O Batara inai ero' lampasikongkolangKi' Batara?”)

YOHANES 11:36

Nakanamo tu Yahudia, “Ciniki, teai sipato' Nakamaseanna Lazarus!”

YOHANES 11:5

Anjo Marta, Maria siagang Lazarus, nikamaseangi ri Isa.

YOHANES 11:3

Assaremi kabara' anjo ruaya sari'battanna mae ri Isa, angkana, “O Batara, garringi sari'battanna ikambe Kikamaseanga.”

1 KORINTUS 16:13

Paralluko tutu siagang jarre' tappa'nu lalang ri katallassannu salaku tu Karisteng. Pa'baraniangi kalennu anggaukangi jama-jamannu siagang a'jariko tau magassing lalang ri katallassannu.

HAGAI 2:4

Mingka teako tappu' panrannuangngi, he ikau ngaseng! Patulusuki anjo jama-jamanga, nasaba' iNakke tuli lambantu ngasengko.

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

ZAKHARIA 8:9

Nakana Batara mae ri umma'Na, “Pakajarreki pa'mai'nu! Kamma-kamma anne nulangngereki kana-kana ia le'baka todong napau sikamma na'bia ri wattu nipadongko'na batu pundasia, untu' ambangungi BallakKu ammotere'.

DANIEL 10:18

Jari sikalipi pole naseroa', sa'genna katambang ammotere' kagassingangku.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

PAMMUJI 138:3

Wattungku akkio' mae ri Katte, appialiKi', Kipakajarreki pa'maikku sa'gengku a'jari barani.

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

ZAKHARIA 8:13

He pandudu' Yehuda siagang Israel! Ri jammang allaloa, punna situnra-tunrai bansa maraenga, nakana ke'nanga, ‘Poro battu lalo bala sangkammaya antujui Yehuda siagang Israel antuju tongko!’ Mingka laKupasalama' ngasengko, sa'genna anjo bansa-bansa maraenga lanakana massing ri para ia ke'nanga, ‘Poro anjo barakka' turunga ri Yehuda siagang Israel, turung tongi mae ri kalennu!’ Lanri kammana pakajarreki pa'mai'nu siagang teako mallakki!”