DANIEL 10:1 - KITTA' MATANGKASA'

¹ Ri taung makatallu pamarentahanna Karaeng Koresy ri Persia, nia' se're pasang nipa'nyata mae ri Daniel niarenga todong Beltsazar. Kammatojengi anjo pasanga mingka sanna' sukkara'na nipahang. Ri wattunna naboya Daniel battuanna, anggappami kasingarang Daniel angkana apa battuanna anjo pasanga lalang se're paccini'.

DANIEL 10:1 Referans Kwoze

DANIEL 8:26

Anjo paccini'nu ri passala'na koro'bang karuenga siagang bari'basaka, le'bakamo nipakasingara' battuanna mae ri kau, ma'nassa lakajariang tojeng-tojengi. Mingka yangasenna anjo kammaya lakajariangi ri allo labattua, iamintu jammang bellaya ija; jari teako caritai manna pole ri se'reang tau.”

DANIEL 6:28

Ia mappasalama' siagang appakabebasa', anggaukangi gau' malompoa siagang appakalannasaka ri langika kammayatompa ri buttaya. Le'baki Napasalama' Daniel, battu ri bawa angngokko'na singa-singaya.”

DANIEL 1:21

Tulusu' tugasa'na Daniel ri balla' karaenga sa'genna battu Karaeng Koresy battu ri Persia ambetai tu Babel.

DANIEL 1:7

Kapala ruma tanggana balla' karaenga nasambeimi arenna ke'nanga a'jari: Beltsazar, Sadrakh, Mesakh siagang Abednego.

DANIEL 1:17

Allata'ala Nasarei anjo appaka turungka iamintu pangngassengang siagang kacara'dekang lalang a'rupa-rupa pangngassengang bicara siagang pangngassengang maraengannaya. Pantaranganna anjo Daniel Nasare tongi kacara'dekang untu' ampakasingaraki battuanna pappiso'naya siagang paccinika.

PAPPICINI' 19:9

Nampa nakana anjo malaekaka mae ri nakke, “Tulisiki anne: ‘Maupaki sikamma tau le'baka nibuntuli mae ri passua'-suarranna pa'buntinganNa anjo Ana' Gimbalaka.’ ” Nampa nasambung pole anjo malaekaka angkana, “Iaminne biritta tojenga, battua ri Allata'ala.”

DANIEL 12:9

Appialimi angkana, “A'lampamako kamma-kamma anne Daniel, nasaba' anne kana-kanaya musti nicokkoi siagang nirahasiakangi sa'genna kala'busang jammanga.

DANIEL 12:4

Nampa nakana pole anjo malaekaka ri nakke, “Daniel, tongkoki anjo kittaka kamma-kamma anne, siagang sarei segele' sollanna tuli tattongko' sa'genna ri kala'busang jammanga. Jai tau ansalidiki apa niaka kajariang. Mingka anjo usahana ke'nanga latena sikali matu-matunna.”

DANIEL 10:14

Battua' untu' ampipahangngiangko apa lakajarianga sallang mae ri bansanu. Anne paccinika, iamintu passala'na allo labattua sallang.”

DANIEL 5:17

Appialimi Daniel angkana, “Tena naparallu karaengku assarea' hadia, mingka kipassareang mami mae ri tau maraenga. Lakubacai anjo tulisanga untu' karaengku siagang lakupauangki' angkana apa battuanna.

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

YESAYA 44:28

INakke angkana mae ri Kores, ‘Ikau lammarenta untu' iNakke, siagang langgaukangi sikontu erokKu. Parentakangi sollanna nibangung ammotere' Yerusalem, siagang na nipadongko' batu pundasina Balla'Na Batara.’ ”

EZRA 6:14

Nibantumi ke'nanga ri Na'bi Hagai siagang Na'bi Zakharia, na napannarrusu' sikamma pamimpinna tu Yahudia pambangunanna anjo Balla'Na Batara. Napa'le'ba'mi linta' anjo pambangunanga situru' parentaNa Allata'alana Israel siagang parentana Kores, Darius, na Artahsasta, karaeng-karaenga ri Persia.

EZRA 6:3

“Ri taung makase're ri wattu pamarentahanna Karaeng Kores, appasuluki sura' parenta sollanna nibangung ammotere' Balla'Na Batara ri Yerusalem, a'jari tampa' untu' angngerang passare siagang attunu koro'bang. Tinggina anjo Ballaka musti 27 metere' nampa sangkara'na 27 todong metere'.

EZRA 4:5

Nasogo'mi ke'nanga siapa area tunna'galaka jama-jamang ri pamarenta Persia, sollanna nahalangi ke'nanga anjo rancanana tu Yahudia. Tuli kammaminjo kajariang lalang pamarentahanna Karaeng Kores sa'genna ri pamarentahanna Darius.

EZRA 4:3

Mingka appialimi Zerubabel, Yesua, siagang sikamma anjo kapala golonganga angkana, “Tenaja naparallu ikambe ri bantuannu untu' ambangungi Balla'Na Batarana ikambe. Kalenna tonji ikambe lambangungi situru' parentana Kores, karaeng Persia, mae ri kambe.”

2 PATTOTTORANG 36:22

Ri taung makase're ammarentana Kores, karaeng Persia, Napa'rupami Batara apa le'baka Napau tete ri Na'bi Yeremia. Napagioki nyawana Karaeng Kores untu' appasulu' sura' parenta, nibacaya ri sikontu daera kakaraenganna. Kammaminne bonena anjo suraka:

PA'JARIANG 41:32

Pinruangki' asso'na. Anjo battuanna iamintu, anjo passalaka le'ba'mi Napattantu Allata'ala, siagang tenamo nasallo naNapa'jari.

LUKAS 1:20

Anne apa kupaua, ma'nassa la'rupai punna narapi'mo wattunna. Mingka lanri tenana nutappa', la'jari pepe mako; na iapa nukkulle a'bicara ammotere', punna a'rupamo anne apa kupauangangko.”

DANIEL 11:2

Siagang anjo apa lakupaua mae ri kau kammatojengi.” Nakana anjo malaekaka, “Tallu karaeng maraeng lammarenta ri Persia, nipinawang ri karaeng makaappa', iamintu la'bi kalumanynyanga na maraengannaya. Ri coppo' kakoasanna siagang kakalumanynyangnganna, la'gassing-gassingangi siagang kakaraengang Yunani.

DANIEL 8:16

Nia' kulangngere' sa'ra akkio' battu ri ba'leanna Binanga Ulai, angkana, “Gabriel, pakasingaraki ri ia battuanna anjo apa nacinika.”

DANIEL 5:12

Teai sipato' cara'de'na siagang porena kammayatompa panritana anjo taua ampakasingaraki so'naya, siagang ansungkei rahasiaya kammayatompa anreppeki sikamma apa sukkaraka. Arenna anjo taua iamintu Daniel, mingka niarengi Beltsazar ri karaenga. Suro kio'mi anjo taua. Iami lampauangi karaengku angkana apa battuanna anjo tulisanga.”

DANIEL 4:8

Kala'busanna battumi Daniel ia niarenga todong Beltsazar, sangkamma arenna rewatangku. Anjo Daniel nikoasai ri roh rewata-rewata matangkasa'. Kucarita tongi so'naku mae ri ia, kukana,

EZRA 3:7

Anynyumbang tommi doe' ra'yaka untu' anggaji tukang batua siagang tukang kayua. Akkiring tommi ke'nanga kanre, inungang siagang minynya' zaitun mange ri kota-kota Tirus siagang Sidon untu' nipassambe siagang kayu camara Libanon battu ri anjo kota-kotaya. Anjo kayu-kayua nierangi mange ri Yafo ammalo tamparang. Yangasenna anjo nagaukangi ra'yaka situru' ising napassareanga Kores, karaeng Persia.