DANIEL 1:8 - KITTA' MATANGKASA'

^8-9 Lanri pannulunNa Allata'ala, anjo Daniel sanna' nisayanna siagang nikamaseanna ri Aspenas. Napattantui ri nyawana Daniel angkanaya tena nalanara'massi kalenna iamintu angnganre yareka angnginung anggoro' battu ri balla' karaenga; lanri kammana anjo napala'mi ri Aspenas sollanna nisare kanre maraeng.

DANIEL 1:8 Referans Kwoze

PAMMUJI 141:4

Pakabella' battu ri ero' a'gau' ja'dalaka. TeaKi' lappassangngia' a'rappungang siagang tau doraka siagang amminawang angnganre lalang ri passuarranna ke'nanga.

1 KORINTUS 7:37

Mingka punna nia' tau le'ba'mi natappuki lalang ri nyawana angkanaya tala'buntingai, siagang natenaja nanipassai, bajiki anjo apa nagaukanga; bajiki punna tena na'bunting, assala' akkulleji naparrangangi anggaukangi kammaya anjo.

PAMMUJI 119:115

He tau ja'dalaka, bellako battu ri nakke! Erokka' mannuruki ri parentaNa Allata'alaku.

PAMMUJI 119:106

Kupa'janjianga siagang sumpa lakurupai, untu' anna'gala' ri kaputusang adeletTa.

DANIEL 1:5

Napattantu tongi karaenga angkanaya anjo kanrea siagang je'ne' inung nipassareanga mae ri ke'nanga musti sangkammai siagang nipassareanga mae ri anggota kaluargana karaenga. Punna le'ba'mi ke'nanga nilati lalang tallun taung, musti mangei ke'nanga andallekang ri karaenga untu' anggaukangi tugasaka ri balla' karaenga.

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

2 KORINTUS 9:7

Parallui taua massing assare siagang te'ne pa'mai'na. Teako assarei siagang bata-bata yareka battala' pa'mai'. Nasaba' nikarimangngi ri Allata'ala tau te'nea pa'mai'na assare.

PAOLE 32:38

Nusarea angnganre koro'bang jaia jannana, angnginunga jai je'ne' anggoro'. Lappassammi natulungko ke'nanga; suromi ke'nanga battu untu' ampasalamakko ri kamma-kammaya anne.

PAMMUJI 106:28

Nampa anynyomba Baal ke'nanga ri Peor, na nakanre kanre nipassareanga mae ri rewata-rewataya.

1 KARAENG-KARAENG 5:5

Le'ba'mi a'janji Batara mae ri manggeku Daud angkana, ‘Ana' bura'nenu laKuangkaka' a'jari karaeng ansambeangko, iami lambangung tampa' passambayangang mae ri Nakke.’ Lanri kammana anjo, Karaeng Hiram mala'birika, inakke Salomo, le'ba'mi kutappuki untu' ambangungi anjo bangunanga.

LAMPA-LAMPANA 15:20

Mingka musti apparekki' sura' mae ri ke'nanga, na nipakainga' ke'nanga sollanna tena nanakanre ke'nanga kanre ra'masaka, iamintu kanre le'baka nipassareang mae ri barhalaya; kammayatompa ceraka, yareka olo'-olo' mate niaccekanga. Kammayatompa napakabellai kalenna ke'nanga battu ri panggaukang assalimaraka.

PANGNGEBARANG 23:3

Teako angngoai ri kanre nyamang nipatalaya, gassingka eroki antannangngiko sikko'.

DANIEL 5:4

Lalang angnginunna ke'nanga, mammuji-mujimi ke'nanga ri rewata-rewata nipareka battu ri bulaeng, pera', tambaga, kayu siagang batu.