DANIEL 1:7 - KITTA' MATANGKASA'

⁷ Kapala ruma tanggana balla' karaenga nasambeimi arenna ke'nanga a'jari: Beltsazar, Sadrakh, Mesakh siagang Abednego.

DANIEL 1:7 Referans Kwoze

DANIEL 5:12

Teai sipato' cara'de'na siagang porena kammayatompa panritana anjo taua ampakasingaraki so'naya, siagang ansungkei rahasiaya kammayatompa anreppeki sikamma apa sukkaraka. Arenna anjo taua iamintu Daniel, mingka niarengi Beltsazar ri karaenga. Suro kio'mi anjo taua. Iami lampauangi karaengku angkana apa battuanna anjo tulisanga.”

DANIEL 4:8

Kala'busanna battumi Daniel ia niarenga todong Beltsazar, sangkamma arenna rewatangku. Anjo Daniel nikoasai ri roh rewata-rewata matangkasa'. Kucarita tongi so'naku mae ri ia, kukana,

DANIEL 2:49

Mingka lanri pappala'na Daniel, napassareammi karaenga anjo pamarentahang propinsi Babel mae ri Sadrakh, Mesakh siagang Abednego, nampa kalenna Daniel ammantangi ri balla' karaenga.

DANIEL 1:3

Nampa naparentakangi karaenga mae ri Aspenas, iamintu kapala ruma tanggana balla' karaenga, untu' ammilei siapa are turungka battu ri anjo bansa Israel nitahanga, iamintu ana'-ana' karaenga yareka bija karaenga.

2 KARAENG-KARAENG 24:17

Nampa naengka' Nebukadnezar tuniarenga Matanya, iamintu purinanna Yoyakhin, a'jari karaeng ri Yehuda, siagang napinrai arenna a'jari Zedekia.

2 KARAENG-KARAENG 23:34

Nampa naangka' Karaeng Nekho ana' bura'nena Yosia niarenga Elyakim a'jari Karaeng Yehuda, siagang napinrai arenna Elyakim a'jari Yoyakim. Naerangi Yoahas mange ri Mesir siagang anjoreng tommi Yoahas mate.

DANIEL 2:26

Jari nakanamo karaenga ri Daniel iamintu niarenga todong Beltsazar, “Akkulleko ampauanga' angkana apa anjo so'naku siagang apa battuanna?”

PA'JARIANG 41:45

Nampa nisaremo areng Mesir ri karaenga anjo Yusuf, iamintu niarengi Zafnat-Paaneah. Nisare tommi sitau baine niarenga Asnat, ana'na Potifera, a'jari imanga ri kota Heliopolis. Umuru'na Yusuf tallumpulo taung ri wattunna appakkaramula anjama untu' karaeng Mesir. Jari a'lampami Yusuf battu ri balla' kakaraenganga mange angkulilingi najappai sikontu pa'rasanganga.

DANIEL 1:19

Le'baki naagang karaenga a'bicara ke'nanga, naassemmi karaenga angkanaya Daniel, Hananya, Misael siagang Azarya, la'bi cara'dekangngangi lalang a'rupa-rupa passala' naanjo turungka maraengannaya. Jari appakkaramulami ke'nanga tugasa' lalang ri balla' karaenga.

DANIEL 10:1

Ri taung makatallu pamarentahanna Karaeng Koresy ri Persia, nia' se're pasang nipa'nyata mae ri Daniel niarenga todong Beltsazar. Kammatojengi anjo pasanga mingka sanna' sukkara'na nipahang. Ri wattunna naboya Daniel battuanna, anggappami kasingarang Daniel angkana apa battuanna anjo pasanga lalang se're paccini'.

DANIEL 4:5

Mingka ri se'reang bangngi, ri wattu lalang tinroku, asso'na' anggappa paccini', sannaka napakalussa'na nyawaku.