DANIEL 1:4 - KITTA' MATANGKASA'

⁴ Anjo ke'nanga musti turungka tena caca'na. Musti tau gammara', tinggi sikolana, cara'deki, jai pangngassenganna, kammayatompa siratangi untu' anggaukangi tugasaka lalang ri balla' karaenga. Musti naajaraki Aspenas anjo ke'nanga ammaca siagang annulisi' lalang bicara Babel.

DANIEL 1:4 Referans Kwoze

DANIEL 5:11

Nasaba' lalang ri kakaraenganna karaengku nia' sitau bura'ne nikoasai ri roh rewata-rewata matangkasaka. Ri wattu pamarentahanna manggena karaengku, anjo taua a'buttimi angkanaya nia' kacara'dekanna, pammahanna siagang pangngassenganna, sangkamma pangngassenganna sikamma rewataya. Manggena karaengku, iamintu Karaeng Nebukadnezar, le'baki naangka' anjo taua a'jari pamimping mae ri pacinika siagang tau cara'deka accini' bintoeng.

LAMPA-LAMPANA 7:22

Sikamma pappilajaranna bansa Mesirka nipangngajarrang tommi mae ri ia. Na'jarimo tau sannaka lompona koasana, baji' lalang kana-kananna kammayatompa lalang panggaukanna.

PANGNGEBARANG 22:29

Le'bakko anciniki tau cara'deka anggaukangi jama-jamanna? Anjo taua lanisarei jama-jamang ri balla' lompona sikamma karaenga, teai balla' biasaya.

2 SAMUEL 14:25

Nipalecei Absalom salaku tau kaminang gammara' ri sikontu Israel. Tena tau la'bi gammarangngang naia. Battu ri pala' bangkenna sa'genna cappa' uu'na tena callanna.

DANIEL 2:10

Nakana ngasemmo anjo tucara'deka, “Ri sikontu linoa tena manna sitau akkulle ampauangki' anjo apa kikaerokia karaeng. Siagang tale'bakai nia' se're karaeng, manna pole antekamma lompona siagang la'biri'na, antuntuki anjo apa kammaya mae ri pacinika, sanro cara'deka, kammayatompa sikamma tau tinggia pangngassenganna ri balla' karaenga.

LAMPA-LAMPANA 7:20

Iaminjo wattua nanilassukangi Musa; sanna' ga'gana ri wattunna ana' lolo. Tallum bulangi sallona niparakai cokko-cokko ri balla'na tau toana;

DANIEL 5:7

Ammarrammi ansuro kioki sikamma pacinika, sanro cara'deka siagang tau cara'deka accini' bintoeng. Ri wattunna battu ke'nanga, nakanamo karaenga, “Inai-nai akkulle ambacai anjo tulisanga siagang ampauanga' battuanna, lakusarei pakeang kakaraengang iamintu juba cura' lame butung siagang rante bulaeng pannanrai kalompoang mae ri ia. Pantaranganna anjo lakuangka' tongi a'jari tukoasa makatallu lalang ri kakaraengangku.”

DANIEL 4:7

Mingka ri wattunna battu nampa kucarita anjo so'naku mae ri sikamma pacinika, sanro cara'deka, tau niaka pangngassenganna siagang tau cara'deka accini' bintoeng, tena manna sitau battu ri ke'nanga akkulle ampakasingaraki apa battuanna anjo so'naku.

KATO'BA 7:19

Kacara'dekanga napa'jari taua poreangngang na sampuloa tukoasa ri se'rea kota.

HAKING-HAKING 8:18

Le'baki anjo akkuta'nammi Gideon mae ri Zebah siagang Salmuna angkana, “Antekamma tanja'na anjo sikamma tunubunoa ri Tabor”? Appialimi Zebah siagang Salmuna, “Ero' ngasengi ke'nanga santanja' ikau, sangkammai turungang karaeng.”

EFESUS 5:27

Battu ri kammanami anjo naNapaenteng baji'mo siagang matangkasa'mo anjo jama'aka ri dallekanNa, tena sikali panra'na yareka tena sikali callanna manna sike'de'.

DANIEL 3:8

Nia' siapa are tu Babel ampakei anjo kasampatanga untu' ambalai tu Yahudi.

DANIEL 2:2

Lanri kammana anjo nakio'mi sikamma pacinika, sanro cara'deka, sanro-sanro maraenganga siagang sikamma tau niaka pangngassenganna, untu' ampakasingaraki battuanna anjo so'naya.

YESAYA 36:11

Nakanamo Elyakim, Sebna siagang Yoah ri anjo perwira tantarana Asyur, “A'bicara Aram maki' mae ri kambe karaeng, saba' napahanji ikambe a'bicara Aram. Teaki' ammakei bicara Ibrani, gassingka napahangi sallang anjo ra'ya' niaka rate ri anjo tembo' kotaya.”

YEREMIA 5:15

He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

DANIEL 9:1

Ri taung makase're pamarentahanna Darius tu Media, ana' bura'nena Ahasyweros, mae ri kakaraengang Babel, inakke Daniel, ammaca-maca' kitta'-kitta' agama. Kunawa-nawai angkanaya turu' kananNa Batara mae ri Na'bi Yeremia, kota Yerusalem tuli runtunna lalang tujupulo taung sallona.

ZAKHARIA 2:4

Nakana malaeka' makase'rea mae ri malaeka' makaruaya, “A'lampako linta' mange ri anjo tau rungkaya, siagang pauangi angkanaya lateai sipato' rassina kota Yerusalem napakamma tau siagang olo'-olo' niparakai, sa'genna tena olona lakkulle nibangung tembo' pakkallika ri tammulilina.