AYUB 9:8 - KITTA' MATANGKASA'

⁸ Napaka'rangi langika natena ambali; Naonjo'-onjokangi dongko'na naga tamparanga.

AYUB 9:8 Referans Kwoze

YESAYA 44:24

Kammaminne kananNa Batara Mappasalama'nu ampa'jariako baku' lalannu ri pammanakkang, “INakkemi Batara ampa'jariai yangasenna niaka, kale-kalennaya angka'rangi langika, tena ambantuA' naKupa'jari buttaya.

YESAYA 40:22

Mappa'jarina ammempoi ri empoang kala'biranNa irate ri bundala'na linoa, pandudu'na buttaya ca'di nicini' rapang katimbang. Naka'rangi langika rapang kaeng, nampa Napasang rapang kema untu' nipammantangngi.

ZAKHARIA 12:1

Iaminne pasanNa Batara ri sesena Israel. LaNaka'rangi Batara langika, Napa'jari buttaya kammayatompa Nasarei katallassang rupataua, Nakana,

AYUB 37:18

Maka akkulleko sangkamma Allata'ala ampabantangi langika siagang ampa'jari terasaki sangkamma bassi nibajaka yareka kacaya?

YEREMIA 10:11

Ikau ngaseng, he ummaka, musti nupauangi ke'nanga angkanaya lanipanraki anjo sikamma rewata-rewata tenaya napa'jari langika siagang buttaya. Lanipa'lanynyaki ke'nanga battu ri tompo'na buttaya.)

PAMMUJI 33:6

Assarei parenta Batara, na'jarimo langika; mataallo, bulang, na bintoeng nipa'jari ri kananNa.

YOHANES 6:19

Ri wattunna narapi'mo kira-kira lima yareka annang kilometere' bellana ke'nanga nia'mi nacini' Isa battu mae ri biseanna ke'nanga, a'jappa ri tompo'na je'neka. Namalla' sikalimo ke'nanga.

YESAYA 42:5

Karaeng Allata'ala ampa'jari siagang angka'rangi langika; Ia ampareki buttaya siagang sikamma attimboa rateanna. Nasarei rupataua nappasa' katallassang siagang nyawa. Napabattui pasang kammaya anne mae ri atanNa,

AYUB 38:16

Maka le'bakko naung ri kabattuanna siagang dapara'na tamparanga? Le'bakko a'jappa-jappa ri dapara'na tamparang lompoa?

AYUB 38:11

Kukana ri ia, ‘Iaminne pa'baeng-baenna. Teako lalloi! Anrinni musti ammantang sikamma bombang lomponu.’

PAMMUJI 77:19

A'gamarrungi gunturuka, akkilaki kilaka, ta'goccangi siagang annekkereki buttaya.

PA'JARIANG 1:1

Uru-uruna, ri wattu Napa'jarina Allata'ala sikontu apa-apaya,

AYUB 26:7

Naka'rangi Allata'ala langika irateanna tamparang lompoa, nampa nagentung buttaya ri alla' tenaya bonena.

AYUB 26:13

Nappasa' antuiki langika sa'genna singara' sikali; limanNa ambunoi naga eroka lari.

YESAYA 51:13

Maka lanukaluppai Batara Mapa'jarinu angka'rangai langika siagang ampadongkokai dasara'na buttaya? Angngapa nunnekkere' sila'busu' allo mae ri jallo'na lapung tumanjallakkanga sadiaya ero' angngancurukko? Sikontutojenna anjo jallo'na ke'nanga talania' pakkullena mae ri kau.

YEREMIA 10:12

Napa'jari Batara buttaya lanri koasaNa, Napareki linoa lanri kacara'dekanNa na Naka'rang langika lanri akkala' poreNa.

YEREMIA 51:15

Batara ampa'jari buttaya lanri koasaNa, Napareki linoa lanri kacara'dekanNa, Naka'rangi langika lanri akkala' baji'Na.

1 PATTOTTORANG 16:26

Rewata-rewata bansa maraenga poro barhalaji bawang mingka Batara Iami mappa'jari langi' malompoa.