AYUB 9:7 - KITTA' MATANGKASA'

⁷ Akkullei Napisangkai Allata'ala ammumba alloa ri wattu bari'basa', na Natanakellaia assioro' sikamma bintoenga ri wattu bangngi.

AYUB 9:7 Referans Kwoze

YESAYA 13:10

Tunggala' bintoenga siagang pa'rappungang bintoenga lammari accaya; lasassangi mataalloa ri wattunna ammumba, siagang tenamo nalaccaya bulanga.

AMOS 8:9

Lanarapiki wattunna naKupalabu alloa ri tangnga alloa siagang a'jari sassangi linoa ri wattu alloa. INakke, Batara Kaminang Tinggia, anne akkana.

MATIUS 24:29

“Tena nasallo ri le'ba'na anjo wattu kasusaanga, la'jari sassammi alloa, na tenamo naccaya singara' bulanga. Latu'guru' ngasemmi bintoenga battu ri langika. Na sikamma makoasaya lalang lino, la'jari sanna'mi ricuna.

AMOS 4:13

Moncong siagang anging, Batara ampareki; rancanaNa Napa'nyatai mae ri rupataua. Napareki alloa siagang bangngia; iratei ri coppo'-coppo' buttaya a'jappa. Karaeng Allata'ala Kaminang Koasaya, iaminjo arenNa.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

AYUB 37:7

Napammari jama-jamanna rupataua, sollanna naasseng ke'nanga angkana Ia anjama.

YOSUA 10:12

Anjo alloa ri wattunna Nasare Batara pammetang tu Israel mae ri Amori, a'bicarami Yosua mae ri Batara. Na ri dallekanna tu Israel, nakanamo Yosua, “E, mataalloa! Ammantangko irateanna Gibeon; Na ikau bulanga! Teako a'letteki battu ri rateanna Ka'bung Ayalon.”

YOSUA 10:13

Jari ammantammi mataalloa siagang ta'lettekami bulanga sa'genna le'ba' tu Israel ambetai sikamma musu-musunna. Anne kajarianga niaki tattulisi' lalang ri Kitta' Yasar. Siallo bujuru' ammantang alloa ri tangnga-tangngana langika, siagang sallo sikali nampa labu.