AYUB 9:6 - KITTA' MATANGKASA'

⁶ Napage'gosoki Allata'ala buttaya sa'genna ta'goccang linoa, siagang a'gio' benteng pattumpa'na linoa.

AYUB 9:6 Referans Kwoze

IBRANI 12:26

Anjo wattua nipata'bangkai linoa ri sa'ranNa. Mingka kamma-kamma anne a'janjimi pole Nakana, “LaKupata'bangka iji sikalipi pole, teai linoa bawang, mingka langika pole.”

HAGAI 2:6

Lalang ri anne wattu ambania laKupa'goccangi langika siagang buttaya, bontoa siagang tamparanga.

PAMMUJI 75:3

Nakana Allata'ala, “Ri wattu le'bakamo Kupattantu, laKuadeli taua siagang adele'.

YESAYA 2:19

Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.

AYUB 26:11

Punna angga'gara' kamma sa'ra gunturu', annekkereki sikamma benteng pattumpa'na langika.

HAGAI 2:21

untu' nipabattu mae ri Guburnur Zerubabel. Nakana Batara, “Tasalloami nalaKugoccang langika siagang buttaya,

PAMMUJI 114:7

He butta, annekkerekko ri dallekanNa Batara, ri dallekanNa Allata'alana Yakub,

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

YO"EL 2:10

Lalang majuna ke'nanga, annekkereki buttaya, siagang langika amme'bereki. Nampa sassang alloa siagang bulanga, na lanynya'mo cayana sikamma bintoenga.

YEREMIA 4:24

Kuciniki monconga siagang bulu'-bulu' tinggia teai sipato' batena ta'goccang.

YESAYA 24:1

LaNapanraki Batara linoa, sa'genna a'jari kalotoro' siagang sino. LaNabulintaki bageang ratena nampa napasimbung-simbung sikamma pandudu'na.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.

PAMMUJI 114:6

Apa saba'na nanu'lumpa'-lumpa' he moncong-monconga, siagang ammondo'-mondo' he bulu'-buluka?