29 Jari punna kamma, apa kujampangi?
nukana ija kalennu tena nusala, angkanaya tena Kularro mae ri kau. Mingka iNakke, Batara, laKuhukkungko lanri tenana nuero' mangaku angkanaya salako.
Sia-siaji kujagai katangkassanna atingku; tena matu-matunna kupakabella kalengku battu ri dosaya.
Mingka tena nilappassangi tu'guru' ri limanna musua, yareka nihukkung wattunna niadeli.
Memang, kuassengi apa nupikkirika ngaseng siagang sikontu kaja'dallang nurancanga.
Sitojenna Kiassengi siagang Kipahangi, angkana tena kusala, mingka annaba'. Kiassengi angkana manna sitau tania' akkulle ampasalamaka' battu ri limanTa.
O, Allata'ala, teaKi' salakangia' inakke; Kipisingarianga' angngapa na inakke Kibaliang.
Jarreki tappakku ri Ia siagang tena ku'gau' dosa, mingka bawaku kamma kusa'ring kabalekanna napau; kana-kana assuluka ri muncengku, kamma kusa'ring nasalakanga'.
Mingka a'boya-boyai alasang Allata'ala ambalianga', siagang Napasangkamma' musu.
