AYUB 9:21 - KITTA' MATANGKASA'

^21-22 Tena kusala, mingka tena kujampangi. Lanrema' attallasa'. Untu' inakke tenamo parallu; tau salaya siagang tau annabaya, sangkammaji sarenna: rua-rua laNapanraki ngasengi Allata'ala.

AYUB 9:21 Referans Kwoze

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

PANGNGEBARANG 28:26

Inai manrannuang ri panggappang kalenna, tabajikai akkala'na. Inai ampinawangi ajaranna tau cara'deka lasalamaki.

AYUB 7:21

Tenaka naKikkulle ampamopporangi dosaku? Tenaka oloTa ampamopporangi salangku? Sinampe' mami nakunra'bamo lalang ri kuburanga, na punna Kiboya' sallang, tenamo naKigappa'.”

1 YOHANES 3:20

Punna nibilang salaki' ri ati mailalanta, niassengi angkanaya lompoangangi pangngassenNa Allata'ala na pangngassengang niaka ri atinta siagang Naasseng ngasengi sikontu apa-apaya.

1 KORINTUS 4:4

Tena nakuassengi kalengku angkanaya nia' salaku manna pole passala' apa mamo; mingka anjo takkulleai a'jari butti angkanaya tena memang salaku. Kalenna bawang Batara akkulle ampattantui angkanaya sala' yareka tena nakusala.

AYUB 6:9

Poro ero' lalo Allata'ala allicaka'! Poro Nabuno laloma'!

AYUB 9:15

Manna tena nakusala, apa kulleku, pantaranganna appalaka pangngamaseang battu ri Allata'ala Hakingku?

AYUB 10:7

Sitojenna Kiassengi siagang Kipahangi, angkana tena kusala, mingka annaba'. Kiassengi angkana manna sitau tania' akkulle ampasalamaka' battu ri limanTa.

AYUB 12:4

Nikakkalia' ri agangku siagang belaku, nampa inakke anne annaba' siagang tena callaku. Riolo Napiali Allata'ala pappala' doangku punna akkioka' appala' bantuang.

AYUB 13:18

Sadiama' ampamajui parkaraku; tappaka', angkana tena kukkulle nisalakang!

AYUB 33:9

Nukana, ‘Tangkasakka', tena kasalang kugaukang. Tena callangku siagang tena kodi gaukku.