AYUB 7:9 - KITTA' MATANGKASA'

^9-10 Sanrapang rammang ta'bayang nampa lanynya', taua lamate tongi, talammoterai. Sikontu tau le'baka angngassengi anjo taua, takkaluppami mae ri ia, tenamo angngu'rangi.

AYUB 7:9 Referans Kwoze

2 SAMUEL 14:14

Ikatte lamate ngasengki'; ikatte anne rapangki' je'ne' tattumpaya naung ri buttaya siagang tenaya nakkulle nipasse're ammotere'. Manna Allata'ala tena todong nalaNapattallasa' ammotere' tau mateamo; lanri kammana anjo poro kiusahai laloi karaeng sollanna akkulle ammotere' poleang tau nipelaka.

PAMMUJI 39:13

Kipilangngeri pappala' doangku, o, Batara, Kiparhatikangi pappalakku; teaKi' ammantangngi a'mereki punna angngarruka'. Sangkamma sikontu boe-boeku, sinampe'ja' bawang annumpang ri Katte.

AYUB 30:15

Nikalimbukima' ri bala lompo; rapang anging mammiri', allalomi anggaranna kalengku; rapang rammang allalo, tappela'mi mate'neku.

AYUB 16:22

Tenamo siapa tassesa taung-taung tallasakku; sinampe' mami ku'lampa, kutammoteramo.

AYUB 10:21

Tasalloami ku'lampa na kutammoteramo pole, mange ri pa'rasangang sassang siagang anremeng dudua,

2 SAMUEL 12:23

Mingka kamma-kamma anne, lalang matenamo, apa matu-matungku tulusu' appuasa? Maka akkullea' ampattallasa' poleangi? Sallang la'lampa tonga' mae ri anjo tampa' napammantangia, mingka kamma-kamma anne tenamo nalammotere' mae ri nakke.”

YESAYA 38:11

Kukana, talakucinikami Batara ri linoa anne, yareka accini' tau ri anne linoa.

AYUB 37:11

Napierangngi rammanga siagang je'ne', naccaya rammanga nisingari ri kila'.

AYUB 11:8

KoasaNa la'bi tinggi na langika; takkulleai nurapi' siagang nukayao. KoasaNa la'bi lantangi na linona tau matea, takkulleai nupahang ngaseng.

AYUB 3:13

Ebara' angkana ammoteramma' anjo wattua, attinroma' siagang ammari-marima' sannang kusa'ring,

AYUB 17:13

Lino kamateang bawang kuminasai, anjoremma' lattinro lalang ri sassang.

AYUB 17:16

Punna kunaung ri linona tau matea, tenamo pa'minasangku.”

YESAYA 26:14

Matemi ke'nanga siagang tenamo nalattallasa' poleang, talambangungami ammotere' rohna. Saba' cappu'mi ke'nanga le'ba' Kiancuru' siagang Kipela' ri pangngu'ranginTa.