AYUB 7:7 - KITTA' MATANGKASA'

⁷ U'rangi, o, Allata'ala, tallasakku poro pa'maikang nappasa'ji; tappelaki kate'neangku, tena sikali bate-batena.

AYUB 7:7 Referans Kwoze

YAKOBUS 4:14

Apa lakajariang lalang ri katallassannu ammuko, tena sikali nanuassengi! Sanrapang le'ba' jako umbu sinampe' duduaji kacinikang, nampa a'lanynya'.

PAMMUJI 78:39

Nau'rangi angkana anjo ke'nanga poro lamate ngasenji, sanrapang anging numalo tammotera.

YEREMIA 15:15

Nampa kukanamo, “Batara, Kipahangi. U'rangia' siagang tulunga'. Pa'balassanga' mae ri anjo ke'nanga angngondanga' siagang anjallakkanga'. TeaKi' sa'bara' dudui mae ri ke'nanga sa'genna akkulle sallang ke'nanga ambunoa'. Kiu'rangi angkanaya lanri iKatte nakunihina.

PAMMUJI 89:47

Sa'genna siapa salloTa laccokko, o, Batara? Sa'genna siapa sallona la'rinra kamma pepe' kalarroanTa?

PAMMUJI 89:50

O, Batara, kemaeji tanra pangngamaseanTa riolo, Kipa'janjianga mae ri Daud lanri tamamminraTa?

PAMMUJI 74:18

Kiu'rangi laloi antekamma batena musunTa anghinaKi', o, Batara, bansa tenaya naassengKi' napitinai arenTa.

PAMMUJI 74:22

Ammenteng maKi' o, Allata'ala, Kipattojenga' ri parkaraku! Saba' sila'busu' alloKi' nihina ri tau tenaya natappa' mae ri Katte.

AYUB 10:9

Kiu'rangi angkana battu ri butta pi' nakiparekka'! Masa' laKipa'jari limbu'buka' ammotere'?

AYUB 9:25

Allalo karo-karomi sikamma allo tallasakku, nampa allanynya' natena nabaji' nasa'ring.

NEHEMIA 1:8

O, Batara, Kiu'rangi kana-kananTa napabattua Musa saba' parentaTa. Angkanaya, punna ikambe, umma' Israel, amminrai mae ri Katte, laKipasisa'la'-sa'laki mae ri alla'na bansa maraenga.

PA'JARIANG 42:36

Nakanamo manggena ke'nanga, “Ikau ngasemmi a'jari passabakkang natappela' ngaseng anakku. Yusuf tenami. Simeon tena tommi. Nampa kamma-kamma anne lanualle tongi pole Benyamin. Teai sipato' pa'risikku.”

AYUB 7:16

Mangngamma' siagang lanrema' attallasa'; erokka' mate! Lappassamma' mange, saba' tenamo anggarangku attallasa'.

PAMMUJI 4:6

Passareangi koro'bang mannabaya na tappa' mako ri Batara.

AYUB 10:20

Ah, tenamo nasallo kulamate, jari lappassamma' kale-kalengku, sollanna akkulle kukasia' wattungku niaka tassesa anne.

PAMMUJI 39:6

Antekamma bodona umurukku Kipattantua! Untu' iKatte tena siapa la'buna tallasakku. Tojeng, rupataua sanrapanji sipa'maikang nappasa' bawang,