AYUB 7:16 - KITTA' MATANGKASA'

¹⁶ Mangngamma' siagang lanrema' attallasa'; erokka' mate! Lappassamma' mange, saba' tenamo anggarangku attallasa'.

AYUB 7:16 Referans Kwoze

AYUB 10:1

Lanrea' siagang erokka' ta'langnge kukasia' ri tallasakku, nakupasulu' ngasemmo pa'risi'na nyawaku.

1 KARAENG-KARAENG 19:4

nampa a'jappa bangkeng ri parang lompoa siallo bujuru', nampa ammantang irawanganna se'rea poko' kayu copponga leko'na. Ammempomi anjoreng, naerokangngammi nasa'ring matea. Nakanamo ri Batara, “Tenamo kutahangi, Batara Kialle lalomi nyawaku. Tena na kubajikangngang naboe-boeku!”

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

PAMMUJI 39:13

Kipilangngeri pappala' doangku, o, Batara, Kiparhatikangi pappalakku; teaKi' ammantangngi a'mereki punna angngarruka'. Sangkamma sikontu boe-boeku, sinampe'ja' bawang annumpang ri Katte.

AYUB 14:6

Lappassammi ammari-mari poso, teaKi' ganggui; sollanna akkulle nakasia' tallasa'na sa'genna le'ba' tugasa'na.

AYUB 10:20

Ah, tenamo nasallo kulamate, jari lappassamma' kale-kalengku, sollanna akkulle kukasia' wattungku niaka tassesa anne.

AYUB 9:21

Tena kusala, mingka tena kujampangi. Lanrema' attallasa'. Untu' inakke tenamo parallu; tau salaya siagang tau annabaya, sangkammaji sarenna: rua-rua laNapanraki ngasengi Allata'ala.

AYUB 6:9

Poro ero' lalo Allata'ala allicaka'! Poro Nabuno laloma'!

YUNUS 4:3

Kamma-kamma anne, o Batara, boli'ma' kamma mate, nasaba' bajikangnganga' matea naia attallasaka.”

PAMMUJI 144:4

Anjo rupataua sanrapanji anging mammiri', sanrapang bayang-bayang allaloa, kammaminjo tallasa'na.

PAMMUJI 78:33

Jari Napa'le'ba'mi tallasa'na ke'nanga sanrapang nappasa', cappu'mi taung-taung tallasa'na ke'nanga lalang kamallakkang.

PAMMUJI 62:9

He, bansaku, manrannuangko ri Allata'ala lalang sikontu wattunnu; pabattui ri Ia bonena atinnu, saba' Iami tampa' pa'la'langanta.

PAMMUJI 39:10

A'merekia' siagang tena nakusungke bawaku, saba' iKatte angngajarakka'.

PA'JARIANG 27:46

Nakanamo Ribka ri Ishak, “Lanrema' siagang birisi'ma' anciniki anjo sikamma bainenna Esau battua ri bansa maraeng. Punna a'bunting todong Yakub siagang tulolo battua ri bansa Het, bajikangngang mate mama'.”

AYUB 7:7

U'rangi, o, Allata'ala, tallasakku poro pa'maikang nappasa'ji; tappelaki kate'neangku, tena sikali bate-batena.

AYUB 7:15

Sa'genna kungaiangngang niaccekanga kunampa mate kala attallasaka lalang anne kapa'risanga ri kalengku.

PAMMUJI 78:39

Nau'rangi angkana anjo ke'nanga poro lamate ngasenji, sanrapang anging numalo tammotera.

YEREMIA 8:3

Na sikamma tau attallasaka ija battu ri anne bansa ja'dalaka, le'baka Kupasiara' mange-mange, lala'bi erokangngangi matea kala attallasaka. INakke, Batara Kaminang Koasaya, anne akkana.”

PAMMUJI 39:6

Antekamma bodona umurukku Kipattantua! Untu' iKatte tena siapa la'buna tallasakku. Tojeng, rupataua sanrapanji sipa'maikang nappasa' bawang,

KATO'BA 2:17

Lanri kammana, anjo tallasaka tena anggaranna mae ri nakke, tena maraeng. Yangasenna sia-siaji bawang; poro angngondangkuji bawang anging.