AYUB 7:14 - KITTA' MATANGKASA'

¹⁴ Mingka Kipakamallaka' lalang so'na; appabattuKi' so'na kodi siagang pikkirang takamma-kamma.

AYUB 7:14 Referans Kwoze

DANIEL 2:1

Ri se'reang bangngi, ruan taung ammarentana Karaeng Nebukadnezar, asso'nami. Anjo so'nana sanna' napakalussa'na nyawana, sa'genna takkullea tinro napakamma.

PA'JARIANG 41:8

Bari'basa'na lussa'mi karaenga. Jari nasuro kio'mi sikontu pacinika siagang tu panritaya ri Mesir. Nampa nacarita anjo so'nana mae ri ke'nanga. Mingka tena manna sitau akkulle ampakasingaraki battuanna anjo so'nana.

MATIUS 27:19

Ri wattunna ammempo Pilatus anjoreng ri kantoro' pangadelanga nia'mi battu pappasanna bainenna angkana, “Tea' laloko pantama'-tamakki kara-karana antu tau tenaya salana. Nasaba' lanri Iami nakunggappa so'na appakamalla'-malla' dudua, anne alloa.”

AYUB 3:26

Tena kasannangngang mae ri nakke, pa'risikka' tena kale'bakkanna.”

AYUB 7:4

Punna mangea' tinro, kamma ta'beso' la'bui bangngia; nakkuka' ri allo, takkullea' sannang anra'ba.

AYUB 7:13

Anra'ba-ra'ba' siagang erokka' ammari-mari ri posoku; a'boya' karingangngang untu' kalussakkang pa'maikku.

AYUB 7:15

Sa'genna kungaiangngang niaccekanga kunampa mate kala attallasaka lalang anne kapa'risanga ri kalengku.

DANIEL 4:2

Erokka' ancaritai ri sesena apa appakalannasa' siagang gau' malompo le'baka Nagaukang Allata'ala Kaminang Tinggia mae ri nakke.